“Milli Nüvə Tədqiqatları Mərkəzi” Özbəkistanda keçirilən beynəlxalq simpoziumda təmsil olunub

“Milli Nüvə Tədqiqatları Mərkəzi” Özbəkistanda keçirilən beynəlxalq simpoziumda təmsil olunub
23 Noy 2016 16:59

Rabitə və Yüksək Texnologiyalar Nazirliyi tabeliyində “Milli Nüvə Tədqiqatları Mərkəzi” (MNTM) Qapalı Səhmdar Cəmiyyəti Özbəkistan Milli Universitetində keçirilən “Fundamental və tətbiqi fizikanın yeni inkişaf istiqamətləri: problemlər, nailiyyətlər və perspektivlər” adlı beynəlxalq simpoziumda təmsil olunub.
 
9-14 noyabr 2016-cı il tarixlərində baş tutan simpoziumda MNTM-in sədri, akademik Adil Qəribov “Bərk cisimlərdə radiasion defektlər və onların effektiv istifadə yolları” mövzusunda plenar çıxışla iştirak edib. Akademikin çıxışında qaldırdığı fundamental və atom-hidrogen energetikası, su ilə soyudulan nüvə reaktorlarının təhlükəsizliyi, materialşünaslıq sahəsində praktiki aspektlər üzrə məsələlər və alınan nəticələr böyük maraq kəsb edib.
 
Özbəkistan Milli Universitetinin rektoru və simpoziumun Təşkilat Komitəsinin sədri professor A.R.Marahimov elmi əməkdaşlıq üzrə müqavilə bağlamaq təklifi ilə çıxış edib və artıq müqavilənin ilkin variantı hazırlanıb. Simpoziumun gedişində 13-dən çox plenar və 30-a yaxın seksion məruzə dinlənilib. Yaponiya, Koreya, Kanada, Rusiya, Ukrayna, Hindistan, Çin alimləri ilə birgə maraq kəsb edən elmi sahələrdə müzakirələr aparılıb, əlaqələrin qurulması və davam etdirilməsi qərarına gəlinib.
 
Qeyd edək ki, simpozium elmi nəticələrin aprobasiyası, dünya elminə inteqrasiya, yeni istiqamətlər və nəticələrlə tanışlıq, elmi əməkdaşlığın genişləndirilməsi və gələcək elmi-texniki fəaliyyətimizin təşkilində böyük əhəmiyyət kəsb edir. 

18 Avq 2018
İT

1 dollarlıq süni intellekt prosessoru təqdim edilib

Tayvan tədqiqatçılar qrupu mikrosxemlər hazırlayan şirkətin mütəxəssisləri ilə əməkdaşlıq çərçivəsində dərin təlim texnologiyasından istifadə sayəsində təsvirlərin tanınması üçün xüsusi prosessor hazırlayıb.

18 Avq 2018
İT

Bu şirkət dünyada ilk dəfə 7 nm-lik smartfon prosessoru təqdim edəcək

"Huawei" 7 nanometrlik texnoloji proses normalarına uyğun istehsal edilmiş prosessorla təchiz ediləcək smartfon təqdim edən ilk şirkət kimi tarixə düşəcək. Şirkətin istehlak bölməsinin direktoru Riçard Yu təsdiq edib ki, "Kirin 980" prosessoru oktyabrda təqdim ediləcək  "Mate 20" smartfonuna quraşdırılacaq. 

18 Avq 2018
İT

Çap edilmiş Wi-Fi datçiklər gündəlik əşyaları ağıllı qurğulara çevirir

Amerikalı mühəndislər tərəfindən hazırlanmış passiv (daxili enerji mənbəyi olmayan element) çap nişanlarını məişət əşyalarına birləşdirərək onları "ağıllı" internet qurğularına çevirmək mümkündür. 

17 Avq 2018
İT

Startapçılara qrantlar təqdim olundu-FOTO

Bu gün Nəqliyyat, Rabitə və Yüksək Texnologiyalar Nazirliyinin yanında İnformasiya Texnologiyalarının İnkişafı Dövlət Fondunun keçirdiyi 6-cı qrant müsabiqəsinin qalibləri mükafatlandırılıb.

17 Avq 2018
İT

İnternetdə domen adlarının sayı 339,8 milyona çatıb

"VeriSign" şirkəti cari ilin ikinci rübünə olan vəziyyətə görə bütün yüksək səviyyəli domenlərdə təxminən 339,8 milyon domen adının qeydiyyatdan keçməsini açıqlayıb. Bu, 2018-ci ilin birinci rübü ilə müqayisədə təqribən 6,0 milyon və ya 1,8 faiz çoxdur. İllik hesablamada qeydiyyatdan keçən domenlərin sayında 7,9 milyon və ya 2,4 faiz artım qeydə alınıb.