"Azəriqaz": Tarif dəyişiklikləri abonentlərin əksəriyyətinə təsir etməyəcək

"Azəriqaz": Tarif dəyişiklikləri abonentlərin əksəriyyətinə təsir etməyəcək
29 Noy 2016 14:16

Azərbaycan əhalisinin 62 faizindən çoxu ildə 1500 kubmetrdən az təbii qaz istehlak edir.

Bunu REALPRESS-ə "Azəriqaz" İstehsalat Birliyinin mətbuat xidmətinin rəhbəri İbrahim Kərbəlayev deyib.

Qeyd edək ki, ötən gün Tarif (qiymət) Şurasının qərarı ilə təbii qazın pərakəndə satış tarifi əhali üzrə illik istehlak həcmi 1500 kubmetrədək olan istehlakçılar üçün dəyişdirilməyərək bir kubmetr üçün mövcud 10 qəpik səviyyəsində saxlanılıb, illik istehlak həcminin 1500 kubmetrdən çox olan hissəsi üçün isə 20 qəpik müəyyənləşdirilib.

İ.Kərbəlayevin sözlərinə görə, abonentlərdə yeni tariflərlə bağlı heç bir problem olmayacaq:

"Qaz smart-sayğacları elə quraşdırılıb ki, istehlak həcmi limiti keçəcəyi təqdirdə, onlar özləri yeni tariflə hesablayacaq. Azərbaycanda hətta əhalinin 62 faizindən çoxu ildə 1500 kubmetr qaz limitini keçmir. Buna görə də tarif dəyişiklikləri əhalinin böyük hissəsinə təsir etməyəcək".


22 Avq 2019
İqtisadiyyat

Azərbaycan gəmisi Qara dənizdə müntəzəm konteyner xətti ilə yük daşıyacaq

Azərbaycan gəmisi Qara dənizdə müntəzəm konteyner xətti ilə yük daşıyacaq

22 Avq 2019
İqtisadiyyat

ŞAD XƏBƏR - Qəbələ və Qusara dəmir yolu xətləri çəkilir - FOTO

“Azərbaycan Dəmir Yolları” Qapalı Səhmdar Cəmiyyəti Qəbələyə və Qusara dəmiryolu xətləri çəkir.