"Formula 1"in yeni çempionu: Qələbəmi həyat yoldaşıma həsr edirəm

"Formula 1"in yeni çempionu: Qələbəmi həyat yoldaşıma həsr edirəm
28 Noy 2016 10:39

“Formula-1” üzrə Əbu-Dabi Qran-prisi 2016-cı il mövsümündə mənim üçün ən çətini oldu. Yarışın əvvəlində əsasən Maks Ferstappen ilə mübarizə apardım. Yarışın sonuna yaxın bu mübarizəyə Sebastian Vettel də qoşuldu. Mənim üçün gərgin bir yürüş oldu.

REALPRESS-in xarici KİV-lərə istinadən verdiyi xəbərə görə, bu sözləri noyabrın 27-də Əbu-Dabi Qran-prisində ikinci olsa da, dünya çempionatını qələbə ilə başa vuran “Mersedes”in pilotu Niko Rosberq deyib.

Çempionluğunu həyat yoldaşına həsr etdiyini vurğulayan Niko Rosberq ona dəstək olan hər kəsə öz təşəkkürünü bildirib. Atasının uğurunu təkrarladığı üçün özünü xoşbəxt hiss edən çempion onunla görüşəcəyi günü səbirsizliklə gözlədiyini deyib. Niko Rosberq qeyd edib ki, atasının fikirləri onun üçün çox önəmlidir.

“Komanda yoldaşım Luis Hamiltonu dünya çempionatında ikinci olması münasibətilə təbrik edirəm. Hər ikimiz üçün gərgin bir mövsüm oldu. Luis çətin rəqibdir. Etiraf etməliyəm ki, onu yarışda ötmək mümkünsüzdür. Bütün komandamızı təbrik edirəm. Biz yenidən qalib gəldik”, - deyə Niko Rosberq əlavə edib.

Qeyd edək ki, Niko Rosberq idman ictimaiyyətində “Keke” ləqəbi ilə tanınan Keyo Erik Rosberqin oğludur. “Formula-1” pilotu olan Keke 1982-ci ildə təşkil olunan dünya çempionatının qalibi olub. O, hazırda Niko Rosberqin meneceridir.


23 Avq 2019
Dünya

BMT-də gərginlik: Moskva və Pekin ABŞ-a qarşı

Moskva və Pekinin çağırışı əsasında BMT Təhlükəsizlik Şurasının fövqəladə iclası keçirilib.

23 Avq 2019
Dünya

Sara televiziyada işə başladı

ABŞ Prezidenti Donald Trampın keçmiş mətbuat katibi Sara Sanders "Fox News" telekanalında şərhçi vəzifəsində işə başlayıb. Milli.Az qafqazinfo-ya istinadən xəbər verir ki, telekanalın mətbuat üçün açıqlamasında onun ilk efirinin sentyabrın 6-da baş tutacağı bildirilib.

23 Avq 2019
Dünya

Conson Makronla görüşdə ayağını masanın üzərinə qoydu - VİDEO

Böyük Britaniyanın Baş Naziri Boris Consonla Fransa Prezidenti Emmanuel Makronun görüşündə maraqlı anlar yaşanıb.