Adı "MTN" işində keçən şirkət rəhbərinin səhhəti pisləşdi - məhkəmə təxirə salındı

Adı "MTN" işində keçən şirkət rəhbərinin səhhəti pisləşdi - məhkəmə təxirə salındı
28 Noy 2016 16:34

Bu gün Bakı Ağır Cinayətlər Məhkəməsində dələduzluqda təqsirləndirilərək həbs edilən “Real MTK”nın təsisçisi və rəhbəri İlham Qasımovun cinayət işi üzrə məhkəmə iclası davam edib.

REALPRESS-in məlumatına görə, hakim Zeynal Ağayevin sədrliyi ilə keçirilən prosesə İ.Qasımov gətirilməyib. Hakim bildirib ki, təqsirləndirilən şəxsin səhhətində problem olduğundan məhkəməyə gətirilməyib. Hakim prosesi sabah saat 16:00-a qədər təxirə salıb.

Qeyd edək ki, İ.Qasımov bu ilin iyununda Baş prokuror yanında Korrupsiyaya qarşı Mübarizə Baş İdarəsi əməkdaşları tərəfindən saxlanılıb. Onun barəsində Cinayət Məcəlləsinin 178.3.2-ci (dələduzluq, külli miqdarda törəldildikdə) maddəsi ilə cinayət işi açılıb. Binəqədi Rayon Məhkəməsinin qərarı ilə İ.Qasımov barəsində həbs qətimkan tədbiri seçilib. Sonra İ.Qasımov barəsində CM-nin 308.2-ci (vəzifə səlahiyyətlərindən sui istifadə) və 313-cü (vəzifə saxtakarlığı) maddələri ilə də ittiham irəli sürülüb.

Məhkəmə prosesində zərərçəkmiş qismində şair Gülağa Tənha (Gülağa Qəmbərov) ifadə verib. O, İ.Qasımova 19,5 milyon dollar verdiyini deyib. Xatırladaq ki, İ.Qasımovun adı ləğv edilmiş Milli Təhlükəsizlik Nazirliyinin (MTN) Energetika və Nəqliyyat Sahələrində Təhlükəsizlik Baş İdarəsinin sabiq rəisi, general-mayor Akif Çovdarovun cinayət işi üzrə zərərçəkmiş qismində keçir.

18 Avq 2018
Cəmiyyət

Bakıda yolun ortasında süpürgəçi qadın can verdi - FOTO

Bakıda yolu təmizləyən süpürgəçi qadının halı pisləşib. 

18 Avq 2018
Cəmiyyət

Müəllimlərin işə qəbulu üzrə müsabiqə başa çatdı

Azərbaycanda müəllimlərin işə qəbulu üzrə müsabiqənin müsahibə mərhələsi başa çatıb.

18 Avq 2018
Cəmiyyət

Lukaşenko Belarus hökumətinin tərkibini dəyişdi — SİYAHI

Belarusun prezidenti Aleksandr Lukaşenko hökumət rəhbərliyini dəyişib.