Azərbaycan Mühəndislik Akademiyasının (AMA) vitse-prezidenti, Beynəlxalq Mühəndislik Akademiyasının (BMA) həqiqi üzvü, Rusiya Mühəndislik Akademiyasının əcnəbi üzvü, texnika elmləri doktoru, professor Əhəd Canəhmədova BMA-nın ali mükafatı – “Mühəndislik şöhrəti” ordeni təqdim olunub.
AMA-dan Realpress.az-a verilən məlumata görə, alim bu mükafata mühəndislik elminin inkişafında böyük xidmətlərinə, tribologiya sahəsində elmi kəşfinə, yeni texnologiyaların işlənməsində və tətbiqindəki uğurlu nəticələrinə, yüksək ixtisaslı mühəndis kadrlarının hazırlanmasındakı və beynəlxalq əlaqələrin möhkəmlənməsindəki fəaliyyətinə görə layiq görülüb.
Mükafatı Ə.Canəhmədova BMA-nın Prezidentlər Şurasının qərarı ilə Beynəlxalq və Rusiya Mühəndislik akademiyalarının prezidenti, SSRİ-nin və Rusiyanın dövlət mükafatları laureatı, akademik Boris Qusev təqdim edib.
ABŞ-ın “Cisco” şəbəkə avadanlığı istehsalçısı internetdə “Şəbəkə texnologiyalarının əyani inkişaf indeksi” (Visual Networking Index, VNI) tədqiqatının nəticələrini açıqlayıb. Məruzə qlobal “IP” şəbəkələrinin 2017-2022-ci illərdə inkişafına həsr olunub.
Ümumdünya Bankı 2030-cu ilədək Afrika ölkələrinin internetə çıxışını təmin etmək məqsədi ilə Afrikada informasiya texnologiyalarının inkişafına 25 milyard dollar məbləğində sərmayə qoymaq niyyətindədir.
ABŞ mütəxəssisləri yerdənkənar həyat və ya onun əlamətlərinin axtarışı üçün Yupiter peykinin səthində qazma işləri aparacaq tunel zondu yaradıblar.
“LG” şirkəti dünyada ilk elastik televizorun satışına hazırlaşır. Rulon kimi bükülə bilən 65 düymlük OLED panelə malik qurğunun təqdimatı gələn il üçün nəzərdə tutulub. Bu haqda öz mənbələrinə istinadən “Bloomberg” nəşri məlumat verib.
