Moskva Dövlət Tibb Universitetinin Bakı filialına rektor təyin olundu – YENİLƏNİB

Moskva Dövlət Tibb Universitetinin Bakı filialına rektor təyin olundu – YENİLƏNİB
14 Dek 2015 00:00

Əziz Cəmil oğlu Əliyev İ.M.Seçenov adına Birinci Moskva Dövlət Tibb Universitetinin Bakı filialının rektoru təyin edilib. Lent.az-ın məlumatına görə, bu barədə prezident İlham Əliyev sərəncam imzalayıb. 

Əziz Cəmil oğlu Əliyev Azərbaycan Tibb Universitetinin müalicə işi üzrə prorektoru vəzifəsində işləyib. 2013-cü ildən Tibb Universitetində prorektor olan Ə.Əliyev tibb elmləri doktoru, professordur. O, Milli Onkologiya Mərkəzinin rəhbəri Cəmil Əliyevin oğlu, Əziz Əliyevin isə nəvəsidir.

Əliyev Əziz Cəmil oğlu 16 yanvar 1975-ci ildə Bakı şəhərində anadan olub. 1992-ci ildə Bakı şəhəri 134 saylı orta məktəbi bitirib. 1992-ci ildə Nyu-York Universitetində ali təhsilə başlayıb və 1999-cu ildə həmin universiteti bitirib. 1999-cu ilin iyul ayından 2002-ci ilin iyul ayınadək Pittsburg Tibb Universitetində (ABŞ) rezidentura təhsili alıb. Rezidentura müddəti ərzində üz-çənə cərrahiyyəsi, müxtəlif bölmələr və baş-boyun şişlərin cərrahiyyəsi üzrə rotasiyalardan keçib.

Əziz Əliyevin ABŞ-da müdafiə etdiyi elmi işi 2003-cü ildə Azərbaycan Respublikası Prezidentinin yanında Ali Attestasiya Komissiyası tərəfindən nostrifikasiya edilib, tibb elmləri namizədi dissertasiyası kimi təsdiq edilib və ona tibb elmləri namizədi alimlik dərəcəsi verilib. 2006-cı ilin sentyabrından 2011-ci ilin dekabrınadək Azərbaycan Tibb Universitetinin üz-çənə cərrahiyyəsi kafedrasında dosent vəzifəsində çalışıb. 2008-ci ilin martında “Xərçəng və şiş ərəfəsi proseslər zamanı ağız boşluğunun selikli qişasında hormonlar və molekulyar-bioloji markerlər” mövzusunda tibb elmləri doktoru dissertasiyasını müdafiə edib.



20 Apr 2018
Səhiyyə - Sağlamlıq

Mütəxəssislər diş ağrısına daha yaxşı təsir edən dərmanları açıqlayıb

Diş ağrısından əziyyət çəkən insanlar stomatoloqa müraciət edənədək ağrını necə azaltmaq barədə düşünürlər. Amerikan alimləri 460 tədqiqatın nəticələrini təhlil edərək bunun cavabını tapıblar: diş ağrısına qarşı ən təsirli vasitə iltihaba qarşı nesteroidli preparatlardır.

19 Apr 2018
Səhiyyə - Sağlamlıq

Allergiyanı yaradan əsas səbəb bu imiş - PEDİATRDAN ƏTRAFLI İZAH

Son zamanlar insanlar arasında allergiya halları kəskin şəkildə artıb. Xüsusilə də yeni doğulan körpələrin əksəriyyətində allergiya olur. Bəs bunun səbəbləri nələrdir?

19 Apr 2018
Səhiyyə - Sağlamlıq

Yaz depressiyası nədir və ondan necə qurtulmalı?

Yaz mövsümü başlayan kimi, yaz depressiyası da özünü göstərməyə başlayır. Ümumiyyətlə, mövsümi depressiyalar arasında payız və yaz depressiyaları xüsusi yer tutur. Mütəxəssislərin fikrincə, payız və yaz depressiyasının fərqi ondadır ki, payız zamanı insanda daha çox yorulma, zövq almamaq, istəksizlik halları müşahidə olunsa da, yaz depressiyası zamanı əsəbilik, tez qıcıqlanma, aqressivlik, işə getməkdən imtina kimi əlamətlər müşahidə edilir.

18 Apr 2018
Səhiyyə - Sağlamlıq

Ayaqlarda ağrıların səbəbləri və ən düzgün müalicəsi

Ayaqlarda ağrılar aşağı ətrafların sümük -dayaq sisteminin xəstəlikləri, daxili xəstəliklər və autoimmun səbəblərdən ola bilər. Ayaqlarda olan arterial və venoz çatışmazlıqdan da ayaqlar ağrıyır.  Diabet xəstələrində isə diabetik neyropatiya inkişaf edir ki, bu zaman sinirlər belə zədələnir.

17 Apr 2018
Səhiyyə - Sağlamlıq

Enerji içkiləri cinsi zəiflik yarada bilər - FOTO

Enerji içkilərinin ziyanları barədə dəfələrlə məlumat verilib.