Patriarx Kirill Dağlıq Qarabağ münaqişəsinin həlli üçün vasitəçilik missiyasını davam etdirəcək

Patriarx Kirill Dağlıq Qarabağ münaqişəsinin həlli üçün vasitəçilik missiyasını davam etdirəcək
25 Noy 2016 15:38

Moskvanın və bütün Rusiyanın patriarxı Kirillin 70 illik yubileyi münasibətilə Moskvada keçirilən təntənəli mərasim çərçivəsində patriarx Kirill həm Qafqaz Müsəlmanları İdarəsinin (QMİ) sədri Şeyxülislam Allahşükür Paşazadənin rəhbərlik etdiyi Azərbaycan nümayəndə heyəti ilə geniş tərkibdə, həm də Şeyxülislamla təkbətək görüşü keçirilib.

Bu barədə REALPRESS-ə QMİ-nin mətbuat xidmətinin rəhbəri Rəhimə Dadaşova məlumat verib.

Məlumata görə, patriarx Kirill ad günü ilə bağlı qrafikinin gərgin olmasına baxmayaraq, A.Paşazadə ilə ayrıca görüşə vaxt ayırıb və xüsusi ehtiram göstərib. A.Paşazadə bu özəl münasibətə görə patriarx Kirillə təşəkkürünü bildirib.

Patriarx Kirill Dağlıq Qarabağ münaqişəsinin sülh yolu həlli məsələsinə də xüsusi diqqət ayırıb. O, münaqişənin sülh yolu ilə ədalətli həllinin vacibliyini bildirib və bu yolda vasitəçilik missiyasını bundan sonra da davam etdirəcəyini qeyd edib.

R.Dadaşova yubiley tədbirləri çərçivəsində baş tutun görüş və danışıqları dinlərarası dialoqun yüksək nümunəsi və Azərbaycanın, Qafqazın dini liderinə verilən böyük dəyər kimi səciyyələndirib.

R.Dadaşova bildirib ki, yubiley tədbirlərinin Rusiyanın Baş naziri Dmitri Medvedevin iştirakı ilə keçən hissəsində təbrik çıxışları edən Şeyxülislam A.Paşazadə və erməni katalikosu II Qaregin arasında xoşməramlı görüş də baş tutub.

O əlavə edib ki, yubiley tədbirləri çərçivəsində A.Paşazadənin bütün Gürcüstanın patriarx-katolikosu II İlya ilə də səmimi görüşü olub. Görüşdə Azərbaycan-Gürcüstan dini-mənəvi əlaqələrinin gələcək inkişaf perspektivləri müzakirə olunub.


18 Fev 2019
Hərbi

Ermənistanda Azərbaycanın yeni silahından təşvişə düşüblər

Ermənistanda Azərbaycanın yeni silahından təşvişə düşüblər

18 Fev 2019
Hərbi

Cəbhədən XƏBƏR VAR

Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 26 dəfə pozub.

16 Fev 2019
Hərbi

Ötən gecə cəbhə

Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 25 dəfə pozub.

15 Fev 2019
Hərbi

Ermənistan silahlı qüvvələrinin bölmələri sutka ərzində atəşkəs rejimini 23 dəfə pozub

Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 23 dəfə pozub.

14 Fev 2019
Hərbi

Atəşkəs rejimi yenə pozuldu — 27 dəfə

Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 27 dəfə pozub.