Ramana-Maştağa avtomobil yolunun yenidən qurulma işləri yekunlaşıb

Ramana-Maştağa avtomobil yolunun yenidən qurulma işləri yekunlaşıb
26 Noy 2016 10:53

Bakı şəhəri, Sabunçu rayonunun Ramana-Maştağa avtomobil yolunun tikintisi ilə bağlı tədbirlər haqqında Azərbaycan Respublikası Prezidentinin Sərəncamına uyğun olaraq “Azəravtoyol” ASC tərəfindən aparılan işlər yekunlaşıb. Bu barədə REALPRESS-ə “Azəravtoyol” ASC -dən məlumat verilib.

Uzun müddətdir ki, asfalt-beton örtüyü yararsız vəziyyətdə olan yolun ümumi uzunluğu 11 km-dir.

Yenidən qurulan yol Heydər Əliyev prospekti - Mərdəkan və Zabrat - Maştağa avtomobil yollarını birləşdirərək bu ərazidə yeni bir yol infrastrukturu yaratmağa imkan verb.

Əvvəllər yolun hərəkət hissəsinin eni 6-7 metr təşkil edirdi. Tikinti işləri çərçivəsində yolun eni 8.5-10 metrə qədər genişləndirilib. Bura 7-7.5 metr olan iki hərəkət zolağı və hər bir istiqamət üzrə vətəndaşların rahat və təhlükəsiz hərəkəti üçün 1.5 metr enində piyada səkiləri daxildir.

Yenidənqurma işləri çərçivəsində yol boyu zəruri olan yerlərdə yararsız qrunt qazılaraq çıxarılıb, əvəzinə isə yeni yol yatağı və yol əsasının tikintisi işləri aparılıb. Ümumilikdə 41,3 min m3 torpaq işi görülüb, 46,7 min m3 karxana qırmadaşı və qum-qırmadaş qarışığı istifadə edilib. Daha sonra köhnə-asfalt beton örtüyünün üst qatı frez maşınları vasitəsi ilə qaşınaraq ərazidən daşınıb və 2 qat ( 7+5 sm ) olmaqla yeni asflat-beton örtüyünün döşənməsi işləri aparılıb. Yeni asfalt döşənən ərazinin ümumi sahəsi 90 min m2-ə yaxındır.

Ramana-Maştağa avtomobil yolunun yenidən qurulması zamanı 2,5 min m2 istinad divarı və 14,2 min m2 yeni piyada səkiləri inşa edilib. Səkilərin kənarlarına 13 min p/m yeni səki daşları düzülüb. Bütün bu işlərə paralel olaraq yol boyu kommunikasiya xətlərinin köçürülməsi, həmçinin köhnə xətlərin yeniləri ilə əvəzlənməsi işləri də görülüb. Ümumilikdə 400 metr qaz və elektrik xətti, 450 metr isə rabitə xətti yoldan kənarlaşdırılıb.Yol boyu zəruri olan yerlərdə 108 ədəd 9 metr hündürlüyündə birqollu dirək olmaqla yeni işıqlandırma sistemi də quraşdırılıb.

Avtonəqliyyat vasitələrinin hərəkətinin normal tənzimlənməsi məqsədi ilə zəruri olan yerlərdə 22 ədəd yol nişanları və məlumatverici lövhələr quraşdırılıb, həmçinin 4 min m2 yol cizgi xətlərinin və yol göstərici xətlərinin çəkilişi işləri aparılıb. Tikinti işləri “Azəravtoyol” ASC-nin rəhbərliyinin nəzarəti altında texnoloji ardıcıllığa riayət olunmaqla və yüksək keyfiyyətlə aparılaraq yekunlaşdırılıb.

Ümumiyyətlə 3 yaşayış məntəqəsini birləşdirən avtomobil yolunun tikintisi ilə 85.6 min nəfər əhalinin gediş-gəlişi xeyli asanlaşıb və avtonəqliyyat vasitələrinin Heydər Əliyev prospekti, həmçinin Zabrat-Maştağa avtomobil yoluna rahat çıxışı təmin olunub.


19 Fev 2019
Maraqlı

Siqaret çəkmək bu pozulmaya da səbəb olurmuş

ABŞ-ın Ratqers Universitetinin alimləri siqaretdən müntəzəm istifadə edənlərin səhhətində yarana biləcək problemlər barədə açıqlama veriblər.

19 Fev 2019
Maraqlı

Sharp korporasiyası robofon təqdim edib

Yaponiyanın “Sharp” korporasiyası “RoBoHon” insanabənzər robot smartfonlar istehsal xəttinə 3 yeni model əlavə edib. Hərəkət edə bilməyən ən ucuz versiyalardan birini 715 dollara satın almaq olar. Tokioda keçirilmiş təqdimatda elan edilib ki, hərəkət edə bilməyən model uşaqlı ailələr, hərəkət edən modellər isə biznes üçün nəzərdə tutulub.

18 Fev 2019
Maraqlı

Honkonqda ağıllı həbsxanalar hazırlanır

Honkonq İslah Xidməti İdarəsi “ağıllı” həbsxanalar hazırlamaq niyyətini elan edib. Belə həbsxanalarda avtomatlaşdırılmış sistemlər məhbusların izlənməsi prosesinin bir hissəsini öz üzərinə götürəcək. “South China Morning Post” yazır ki, yeni sistemlər cəzaların çəkilməsini daha effektiv, insanların həbsxanada olmasını daha təhlükəsiz etməyə imkan verəcək. Bundan başqa, nəzarətçilərin xidməti daha təhlükəsiz olacaq.

18 Fev 2019
Maraqlı

Məşhur ufoloq Bob Lazar —Yer üzündə insanı yadplanetlilər yaradıb

Ufoloqlar günümüzdə insanın yadplanetlilər tərəfindən yaradıldığını iddia edirlər.