Sabahdan 8 rayonda analoq televiziya yayımı dayandırılacaq

Sabahdan 8 rayonda analoq televiziya yayımı dayandırılacaq
30 Noy 2016 10:57

REALPRESS.AZ BANKER.AZ -a istinadən xəbər verir ki,

Sabahdan, dekabrın 1-dən etibarən 8 rayonda – Şamaxı, Qobustan, Siyəzən, Şabran, Xızı, Quba, Qusar, Xaçmaz rayonlarında analoq televiziya yayımı dayandırılacaq.

Banker.az xəbər verir ki, bu barədə  Milli Televiziya və Radio Şurasının (MTRŞ) Texniki şöbəsinin müdiri İsa Məmmədov bildirib.

O deyib ki, MTRŞ-nin noyabrın 18-də bununla bağlı qəbul etdiyi qərarda dəyişiklik yoxdur:

“Dekabrın 1-dən 8 rayonda analoq televiziya yayımı dayandırılacaq. Həmin gün ümumi rayonlar üzrə quraşdırılmış təxminən 330 analoq televiziya stansiyasından 77-si söndürüləcək. 330 analoq televiziya stansiyasını hələlik 145 rəqəmli televiziya stansiyası əvəz edəcək. Amma gələcək günlərdə rəqəmli TV stansiyalarının sayı 190-na qədər çatdırılacaq”.

İ.Məmmədov bildirib ki, sonrakı mərhələdə 32, daha sonra 14 rayonda analoq yayım dayandırılacaq.

Qeyd edək ki, Milli Televiziya və Radio Şurası əhalinin rahatlığının təmin edilməsi, analoq TV qəbulediciləri vasitəsilə rəqəmli TV yayımının izlənməsi üçün tələb olunan zəruri avadanlığın – dekoderlərin (“Set-Top-Box”ların) əldə olunması işinin asanlaşdırılması məqsədilə respublikanın regionlarında analoq yayımın mərhələli şəkildə dayandırılmasını məqsədəmüvafiq hesab edib və Şuranın 10 saylı qərarında dəyişiklik olunub. Edilən dəyişikliyə əsasən, regionlarda analoq yayımın dayandırılmasının 3 mərhələdə həyata keçirilməsi barədə qərar qəbul edilib.

II mərhələdə analoq yayımın (dekabrın 10-dan) Ağsu, İsmayıllı, Kürdəmir, Zərdab, Saatlı, Sabirabad, Ağcabədi, Ağdam, Ucar, Gəncə, Samux, Daşkəsən, Gədəbəy, Göygöl, Şəmkir, Ağstafa, Qazax, Tovuz, Tərtər, Naftalan, Bərdə, Goranboy, Mingəçevir, Yevlax, Ağdaş, Göyçay, Qəbələ, Oğuz, Şəki, Zaqatala, Balakən, Qaxda, III mərhələdə (dekabrın 20-dən) Şirvan, Salyan, Neftçala, Hacıqabul, İmişli, Beyləqan, Füzuli, Cəlilabad, Biləsuvar, Lənkəran, Masallı, Yardımlı, Lerik, Astarada dayandırılması nəzərdə tutulur.

18 Avq 2018
Cəmiyyət

Biləsuvarda motosiklet aşdı, sürücü öldü

Biləsuvar rayonu ərazisində "İJ" markalı motosiklet aşıb.

18 Avq 2018
Cəmiyyət

Uşaqların gözü qarşısında küçə itlərini öldürürlər – Azərbaycanda DƏHŞƏTLİ GÖRÜNTÜLƏR – VİDEO

Avqust ayının 13-də Novxanı qəsəbəsi ərazisində yaşayan şəxslərin və uşaqların gözü önündə sahibsiz küçə itlərini küləvi şəkildə qırıblar.

18 Avq 2018
Cəmiyyət

Qurban ətini ODUNDA BİŞİRMƏYİN - XƏBƏRDARLIQ

Niger Respublikası əhaliyə bu il Qurban bayramında ətlərin odunda bişirilməməsi ilə bağlı xəbərdarlıq edib.

18 Avq 2018
Cəmiyyət

Alimlər hamilələr üçün ən faydalı qidanı müəyyən ediblər

AZƏRTAC bildirir ki, mütəxəssislərin fikrincə gələcək anaların günlük qida rasionuna toyuq yumurtası əlavə etməklə, vaxtından əvvəl doğuş riskini azaltmaq, uşaqda çəki azlığının və hamilələrdə meydana çıxan depressiyanın qarşısını almaq olar.