Səyavuş Kərimi: Özünü kişi hesab edənin adı Soso olmaz

Səyavuş Kərimi: Özünü kişi hesab edənin adı Soso olmaz
27 Okt 2016 15:40

Azərbaycanın görkəmli sənət adamları arasında Gürcüstan və Rusiya müğənnisi Soso Pavliaşvilinin noyabrın 30-da Bakıda Heydər Əliyev Sarayında verəcəyi konsertinə qarşı etiraz edənlərin sayı artmaqdadır. 

Realpress.Az xəbər verir ki, bu dəfə məsələyə münasibətlərini BAKU.WS vasitəsilə Azərbaycan Milli Konservatoriyasının rektoru, Xalq artisti, bəstəkar Səyavuş Kərimi və Xalq artisti Flora Kərimova bildiriblər.

S.Kərimi Soso Pavliaşvilinin öz müsahibəsində “Mən Bakını ermənilərə görə sevmişəm” ifadəsinə öz sərt mövqeyini ifadə edib:

“Soso erməniləri belə çox sevəndir, gedib, onlar üçün oxusun! Niyə Bakıya gəlir ki?! Bu adam gedib Qarabağda çıxış edirsə, onu ümumiyyətlə, Azərbaycana, Bakıya buraxmaq düzgün deyil. İkinci bir tərəfdən isə Soso Pavliaşvili haqqında danışarkən, ağıla heç də böyük musiqi və ya sənət gəlmir. O, restoran müğənnisidir. O, uzaqbaşı gedib, kababxanada oxuya bilər. Gedib ermənilər üçün oxusun. Gəlib bu camaata “mədəniyyət dərsi” keçməsin. Onu bura niyə çağırırlar axı?! 

Soso deyir ki, “Mən Bakını ermənilərə görə tanımışam”. Bu, nə sözdür? Mən anlamıram, Bakı erməni şəhəridir ki, sən buranı ermənilərə görə tanıyasan? Nə qədər piyan olasan ki, Sosoya qulaq asa biləsən. Özünü kişi hesab edənin elə adı olmaz: Soso...”.

“Soso, Azərbaycan xalqı sənin üzünə tüpürür!”.

Xalq artisti Flora Kərimova da ortaya sərt mövqe qoyub:

“Soso Pavliaşvili, sən hansı üzlə Azərbaycana gəlirsən? Millətimin qürurunu tapda, get, oğullarımın qanı ilə sulanmış, 24 ildir üzünə həsrət qaldığım Qarabağımda konsert ver, pul qazan, sonra o millətin özü kimi qondarma erməni soyqırımını tanı, onlarla qardaş olduğunu de. Bir qarın çörək üçün Qarabağımda diz üstə sürünən sən, hansı haqla bu torpağıma, məmləkətimə gəlib, mənim udduğum havanı udacaqsan, yediyim yeməyi yeyib, paytaxtımda gəzəcəksən? 

Sən soruşdun ki, bu millət səni görmək istəyir, ya yox!? Od içində yanan torpağa hansı ürəklə ayaq basacaqsan? Azərbaycan xalqı sənin üzünə Qarabağa ayaq basanda tüpürdü! Tüpürcəyi üzündən silsən də, ömür boyu ləkəsi qalacaq! Torpağımın yiyəsi var, o da xalqımdır! Bura gəlmə! Sənin burada qazandığın xeyriyyəçiliyin öz qarnına belə çatmaz. Millətim o günə qalıb ki, sənin kimisi gəlib, burada xeyriyyə konserti versin?!

Milli qeyrətini erməni yollarında səpələyən Soso, sənin xeyriyyə konsertinə ehtiyacımız yoxdur, ay bədbəxt! Millətimin heysiyyatını çəkən, namusunı qoruyan, sabahını düşünən, vuran əli, sizin kimi satqın, qeyrətdən xəbəri olmayan heçlərə cavab verən ordum var. Millətim var, dövlətim var”.


19 Dek 2018
Şou-biznes

Televiziya aparıcılarının etdiyi səhvlərin — SİYAHISI

Azərbaycanın televiziya kanallarının qeyri-xəbər proqramlarında aparıcıların dilində qeydə alınmış ədəbi dilin leksik normasının pozulması faktları açıqlanıb.

19 Dek 2018
Şou-biznes

Mina Hüseynin Maşından getməsinin səbəbini açıqladı: Oyunda qalsaydım...

"Göndərdiyiniz hər bir sms-i halal edin, çox xahiş edirəm ki, pis fikirdə olduğumu anlamayasınız... "Maşın şou" mənim üçün çox önəmli və reytinqli yarışma idi. Lakin mən oyunu hörmətli insan kimi tərk etmək istədim. Heç bir qruplaşmada yox idim, tək mübarizə aparırdım. Bu, çox çətin idi. Demək olar ki, hamı çıxmağımı istəyirdi. Bəlkə də onlar üçün ən güclü rəqib mən idim. Sizin dəstəyiniz sayəsində sms toplayıb getdim, siz olmasaydınız, oyundan bəlkə də məyus olaraq çıxardım. Kimsə məni səs toplayaraq uzaqlaşdırsaydı, bu, mənə daha pis təsir edərdi".

19 Dek 2018
Şou-biznes

Zaur Kamalın oxşarı varmış — FOTO

"Xəzər" telekanalının tanınmış aparıcısı Zaur Kamalın oxşarı varmış.

19 Dek 2018
Şou-biznes

Maşın şounu tərk edən Nərgiz ağladı - FOTO

“Maşın şou. Hind kinosu”nu tərk etməyə namizəd olan Nərgiz Əliyevanın layihədəki taleyini SMS-səsverməsi həll edib.