Zəngin ərəblərin Azərbaycanda ov keyfi

Zəngin ərəblərin Azərbaycanda ov keyfi
28 Noy 2016 17:04

Zəngin ərəb şahzadə və şeyxlərinin Azərbaycandakı ov macəralarının yeni görüntüləri yayılıb.

REALPRESS.AZ xəbər verir ki, Azərbaycanın rayonlarında ov edən şeyxlər nadir canlıları ovlamağa davam edir.

Yüzlərlə canlı ovlayan ərəblər bu əyləncələrini sosial şəbəkələrdə paylaşaraq insanlara nümayiş etdirirlər. Videolardan görünür ki, ərəblər Azərbaycana hazırlıqlı gəliblər və bütün silah-sursatlarla təmin olunublar. Xüsusilə, Qətər və Dubaydan ölkəmizə axın edən ərəblərin ova və Azərbaycana marağı həddən artıqdır.

Qeyd edək ki, ərəblərin ölkəmizdə turlarını yerli şirkətlər təşkil edir. Hotel, silah-sursat və avtomobillərlə ərəbləri təchiz edirlər və bununla da yaxşı qazanc əldə edirlər. Artıq bu xidmət Azərbaycanda yeni biznes fəaliyyəti kimi formalaşmağa başlayıb.