– Şou-biznesdə həmkarları ilə qalmaqal yaşamayan tək-tük müğənnilərdənsiniz. Buna necə nail olursunuz?
– Adam gərək özünə hörmət etsin. Özünə hörmət etməyən insana heç kim hörmət etməz.
– Sizə qarşı hörmətsiz davranan müğənnilərə reaksiyanız necə olur?
– Söhbət nəinki müğənnidən, ümumiyyətlə, insanlardan gedir. Bu şəraiti heç kimə yaratmamışam ki, mənimlə hörmətsiz davransınlar.
– Şou-biznesdə kiməsə məsləhət verirsiz?
– 52 yaşım var; hesab edirəm ki, elə məsləhət verən yaşımdır. Bəlkə də elə hər gün məsləhətlər verirəm.
– Məsləhətlərinizi eşidirlər, yoxsa qulaqardına vururlar?
– Yaponların belə bir kəlamı var ki, əgər insan səhvini qəbul edirsə, deməli, ağıllı adamdır. Əgər qəbul etmirsə, deməli, ikinci dəfə də səhv edəcək. Demirəm, kimsə nəsə məsləhət verirsə, mütləq onu dinləməlisən. Nolsun ki, yaşca böyükdür? Bəlkə elə dedi ki, özünü 16-cı mərtəbədən at, sən atmalısan? Məsləhətə qulaq asıb, düzgün nəticə çıxartmaq lazımdır.
– Mərhum xalq artisti İlhamə Quliyevanın təbirincə desəm, heç indiyə qədər sizə qarşı “çaşanlar” olub?
– Son 10-12 ildə elə şey olmayıb.
– Yəni ona qədər olub?
– Mən kiminsə hərəkətini “çaşmaq” kimi qiymətləndirmirəm. İnsandır, səhv edib. Bəzən mənim də səhv etdiyim vaxtlar olur.
– Reaksiyanız necə olub, heç çəkib kənara başa salmısız?
– 10 il əvvəl olsaydı, bəlkə də döyərdim, indi isə yox… Çalışıram başa salım. Bir söz var e, “qananın da qadasın alım, qanmayanın da”, dad yarımçıq əlindən. Adam var ona nəsə deyirsən başa düşür, bu, əla. Bir də var deyirsən, anlamır. Bunu da keçmək olar. Adam var, başa düşür, amma özünü gicliyə qoyur. Bu artıq başqa məsələ.
– Xanım müğənnilərdən kimlərlə dostluq edirsiniz?
– Telefonumda qadın müğənnilərin nömrəsi yoxdur. Onlar zəng edir, amma mən heç vaxt hansısa qadın sənətçiyə zəng etmirəm.
– Niyə, səbəb nədir?
– Səbəb yoxdur. İşlə bağlı hər hansı məsələ olanda köməkçimə deyirəm, həmin xanımın köməkçisinə nəsə deyir.
– Deyirlər, şou-biznes aləmində ən varlı müğənnilərdən biri də Ədalətdir.
– Varlı nəyə deyirlər? İki-üç avtomobilim, bir bağım, iki evim varsa, bu var-dövlətdir? Bizdən də imkanlı iş adamları var. Onlar üzdə olan insanlar deyil, buna görə də gözə görünmürlər.
– Heç sizə yazıb, ya zəng edib, pul istəyənlər olur?
– Səhərdən axşama qədər “drekt”ə yazırlar. Təsəvvür edin, hər adama kömək etsən, səndə nə qalar? Borc verə bilərəm, onu da tanıdığım adama.
– Kompleksiniz varmı?
– Yox, Allah etsin, hamı mənim yaşımda elə mənim kimi görünsün.
– Ailənizi mediadan uzaq tutursuz. Nə efirdə görünürlər, nə də sosial şəbəkələrdə. Tədbirlərə də tək qatılırsız…
– Ailə şəxsi məsələdir. Heç kim heç kimin ailəsinə qarışa bilməz.
– Evdə uşaqlarınıza və xanımınıza sərt qadağalarınız varmı?
– Əlbəttə var. Xanımım da, uşaqlarım da bilirlər ki, evdə mənim öz qaydalarım var və bu qaydalara sözsüz əməl olunur.
“Azərbaycan Respublikasının Prezidenti İlham Əliyev 1992-ci ildə ermənilər tərəfindən törədilmiş Xocalı soyqırımı barədə demişdir: “Xocalı faciəsi erməni millətçilərinin yüzilliklər boyu türk və Azərbaycan xalqlarına qarşı apardığı soyqırımı və etnik təmizləmə siyasətinin qanlı səhifəsi idi”. Həqiqətən də XX əsrin sonunda törədilmiş bu qətliam sadəcə Azərbaycan xalqına deyil, əslində bütün bəşəriyyətə qarşı yönəlmiş ən ağır cinayətlərdən biridir.”
“Azərbaycan və Serbiyanın ümumi maraqları ilk növbədə ondan irəli gəlir ki, onlar öz tarixlərinin əhəmiyyətli hissəsini daha böyük dövlət ittifaqı çərçivəsində yaşamış iki müstəqil ölkədir: Azərbaycan SSRİ-nin tərkibində idi, Serbiya isə keçmiş Yuqoslaviya respublikalarından biri olub”.
Tovuzun "Turan” klubunun qurucusu və sabiq prezidenti Vidadi Əhmədovun "Realpress.az"a müsahibəsi
Rusiya prezidenti Vladimir Putinlə fransalı həmkarı Emmanuel Makron arasında son danışıqlardan sonra Fransa lideri Ermənistanda tənqid olunmağa başlayıb. Belə ki, erməni siyasi müşahidəçi Naira Ayrumyan qeyd edib ki, fevralın 4-də Azərbaycan Prezidenti İlham Əliyevin, Avropa İttifaqının sədri kimi Makronun özünün, Avropa Şurasının rəhbəri Şarl Mişel və Ermənistanın baş naziri Nikol Paşinyanın iştirakı ilə videokonfrans vasitəsilə keçirilən görüşdə Fransa rəhbəri ATƏT-in Minsk prosesi çərçivəsində Qarabağ üzrə danışıqların bərpasının zəruriliyindən bir kəlmə də danışmayıb.
Bu yaxınlarda Rusiya və Çin liderləri Vladimir Putin və Si Cinpin həm təhlükəsizlik təminatlarına, həm də xarici qüvvələrin suveren ölkələrin daxili işlərinə müdaxiləsinin yolverilməzliyinə aid birgə bəyanatı imzaladıqdan sonra məlum oldu ki, dünyada anti-Qərb strukturu qurulur.
