- İbrahim bəy, çoxdandır görünmürsünüz.
- Mənim çox görünməklə aram yoxdur. Dinləyicilərimi də elə öyrətmişəm. Çox vaxt qastrolda oluram. Ayda iyirmi dəfə efirə çıxsam, dinləyicilərimi də elə öyrəşdirəcəyəm. Bir evə çox qonaq gedəndə əlindən bezərlər.
- Bəlkə düşünürsünüz ki, efirdə çox görüb bezərlər və toya dəvət etməzlər?
- Elə deməzdim. İndi pult insanların əlində, kanallar da çox.
- Albom buraxmaq dövrü geridə qalıb. İndi əsas güvəndiyiniz yer "Youtube"dur?
- Sənətçinin yaddaqalan mahnısı olanda onu axtarıb tapırlar. Rusiyaya gedib gəlirəm, konsertlər təşkil edirəm, toylarda çıxış edirəm. İstənilən tədbirdə "Azərbaycanlıyam"ı oxuyanda, bu, insanlarda ruh yaradır. On yeddi ildir sənətdəyəm. Bu müddət ərzində nə qabaqda getməmişəm, nə orxada-ortadayam.
- Amma yeni başlayanda çox tənqid edilirdiniz...
- Yeni başlayanda özü yazan sənətçiləri tənqid edirlər.
- Özünüzlə bağlı eşitdiyiniz ən sərt tənqid hansı olub?
- Deyirdilər ki, bu nə mahnılardır yazır. Ancaq mənim illər öncə yazdığım mahnılar yaşayır.
- Düşünmürsünüzmü ki, peşəkar musiqiçi yanaşmasında yazdıqlarınız elə də yaxşı bəstələr deyil?
- İbrahim Tatlısəs, Tarkan, Əmrah kimi sənətçilər də Allah vergisiylə yazanlardır. Heç biri konservatoriya oxumayıb.
- Özünüzü İbrahim Tatlısəslə, Əmrahla müqayisə etməyiniz çox böyük səslənmədi ki?
- Onlar da türkdür, biz də türkük. Adını çəkdiyim sənəçilər özləri yazıb tanınırlarsa, biz niyə özümüz yazıb tanınmayaq? Təzə çıxanların başından basaq, bəs sonra? O dövr arxada qaldı. Əvvəl səni bəyənməyən indi müəllim deyə müraciət edir (gülür).
- Hətta...
- Əlbəttə.
- Tələbəniz varmı?
- Tələbəm yoxdur. Sadəcə, müraciət edən gənclərə düzgün yol göstərirəm. Səsi varsa, istiqamət verirəm, səsi yoxdursa, yenə də ürəyini qırmıram. Deyirəm ki, mən məşğul olmuram. Bir də baxırsan ki, həmin səsi olmayan efirlərdədir.
- Sənət aləmində kimlərlə dostluq edirsiniz?
- Hamısıyla yol yoldaşlığımız olub.
- Yol yoldaşlığı məcburiyyətdən də ola bilər. Mən sırf dostluğu nəzərdə tuturam...
- Niyaməddin Musayev, Səyyad Əlizadə, Ağadadaş Ağayev, Elxan Şirinovla dostluq edirəm. Flora Kərimovayla, Aslanla ailəvi yaxınlığımız var. Xumar Qədimova, Elnarə Xəlilovayla da münasibətlərimiz yaxşıdır.
- Azərbaycanda konsert vermək fikriniz var?
- Heç vaxt konserti özüm təşkil etməmişəm.
- Toylara hansı məbləğə gedirsiniz?
- Əvvəl bir az yüksək qiymət deyirdik. İndi insanları nəzərə alırıq. Rayonlara 7-8, Bakı toylarına beş minə toya gedirdik. İndi rayona beş minə, Bakı toylarına dörd minə gedirik.
- Bu sualıma tam səmimi cavab istəyirəm. Bilirəm ki, müğənnilikdən əvvəl yaxşı biznesiniz olub. İndi hamı oxuyur ki, pul qazansın. Sizin isə biznesiniz olduğu halda, nə məcbur etdi ki, oxuyasınız?
- Bizneslə məşğul ola-ola mahnı bəstələyirdim.
- Pianinoda ifa edə bilirsiniz?
- Bəli. Özümü tanıtmaq istədim. Bu düşüncəylə "Borçalı", "Ana laylası", "Mənim həyatım", "Bir dənəmsən" kimi mahnılar yarandı və bu gün də sevilir.
“Azərbaycan Respublikasının Prezidenti İlham Əliyev 1992-ci ildə ermənilər tərəfindən törədilmiş Xocalı soyqırımı barədə demişdir: “Xocalı faciəsi erməni millətçilərinin yüzilliklər boyu türk və Azərbaycan xalqlarına qarşı apardığı soyqırımı və etnik təmizləmə siyasətinin qanlı səhifəsi idi”. Həqiqətən də XX əsrin sonunda törədilmiş bu qətliam sadəcə Azərbaycan xalqına deyil, əslində bütün bəşəriyyətə qarşı yönəlmiş ən ağır cinayətlərdən biridir.”
“Azərbaycan və Serbiyanın ümumi maraqları ilk növbədə ondan irəli gəlir ki, onlar öz tarixlərinin əhəmiyyətli hissəsini daha böyük dövlət ittifaqı çərçivəsində yaşamış iki müstəqil ölkədir: Azərbaycan SSRİ-nin tərkibində idi, Serbiya isə keçmiş Yuqoslaviya respublikalarından biri olub”.
Tovuzun "Turan” klubunun qurucusu və sabiq prezidenti Vidadi Əhmədovun "Realpress.az"a müsahibəsi
Rusiya prezidenti Vladimir Putinlə fransalı həmkarı Emmanuel Makron arasında son danışıqlardan sonra Fransa lideri Ermənistanda tənqid olunmağa başlayıb. Belə ki, erməni siyasi müşahidəçi Naira Ayrumyan qeyd edib ki, fevralın 4-də Azərbaycan Prezidenti İlham Əliyevin, Avropa İttifaqının sədri kimi Makronun özünün, Avropa Şurasının rəhbəri Şarl Mişel və Ermənistanın baş naziri Nikol Paşinyanın iştirakı ilə videokonfrans vasitəsilə keçirilən görüşdə Fransa rəhbəri ATƏT-in Minsk prosesi çərçivəsində Qarabağ üzrə danışıqların bərpasının zəruriliyindən bir kəlmə də danışmayıb.
Bu yaxınlarda Rusiya və Çin liderləri Vladimir Putin və Si Cinpin həm təhlükəsizlik təminatlarına, həm də xarici qüvvələrin suveren ölkələrin daxili işlərinə müdaxiləsinin yolverilməzliyinə aid birgə bəyanatı imzaladıqdan sonra məlum oldu ki, dünyada anti-Qərb strukturu qurulur.
