“ICTnews” Elektron Xəbər Xidməti “belta.by” saytına istinadən yazır ki, hazırda Stokholm Arlanda aeroportuna gedən yolun kiçik bir hissəsi innovativ texnologiya ilə təchiz edilib. Uzunluğu 2 kilometr olan avtomobil yolunun bir hissəsi elektrik cərəyanını keçirən xüsusi relslərdən ibarətdir. Bu relslər nəqliyyat vasitəsinin altındakı konnektora bərkidilmiş xüsusi kontakt vasitəsilə elektrik mühərrikinin enerjisini doldurmağa imkan verir. Belə yol hissəsinə yaxınlaşan sürücü kabeli avtomobilə birləşdirə və hərəkət zamanı "yanacaq doldura" bilər.
Mütəxəssislərin iddiasına görə, belə texnologiya sayəsində İsveçdə elektrik avtomobillərinin populyarlığı xeyli artacaq. Layihə rəhbərlərinin fikrincə, İsveçin avtomagistralının yalnız 5%-ni elektrikləşdirməklə elektrik avtomobillərindən istifadə üçün əlverişli şərait yaratmaq mümkün olacaq.
2030-cu ilədək İsveç karbohidrogen yanacağının istifadəsindən tamamilə imtina etmək niyyətindədir.
Realpress.az
Günəşdəki güclü partlayışlar Yerdə gözlənilməz maqnit qasırğasına səbəb olub.
Avstraliya və Çilidən olan bir qrup elm adamı Çilidəki Atakama səhrasında teleskopların köməyilə apardıqları müşahidələr nəticəsində "J0529-4351" adlı son dərəcə parlaq və kütləvi kvazar ( Kvazi ulduzlar və ya kvazarlar-müşahidə olunan kainatın ən parlaq obyektləridir ) haqqında təəccüblü təfərrüat aşkarlayıblar.
Günəşdə ən yüksək “X” sinfinə aid partlayış baş verib.
