Rahidə Baxışova: “ Üçüncü dəfə ailə qurmaq istəmirəm, 2 dəfə xəyanət...” — MÜSAHİBƏ
30
Apr
2018
17:46
- Rahidə xanım, həyatdakı missiyanızdan razısınızmı?
- Razı olsam da, olmasam da, öz qismətimlə barışmalıyam. Çalışıram ki, ayaqlarım üstündə durum.
- Deməli, güclüsünüz...
- Əlbəttə, güclüyəm. Əvvəllər elə bilirdim ki, zəifəm. Amma son illərdə aldığım zərbələrdən sonra anladım ki, mən çox güclü biri imişəm.
- Aldığınız zərbələrdən ən sarsıdıcısı hansı olub?
- Hamısı mənim üçün sarsıdıcı olub. Fərq qoya bilmirəm.
- Bu yerə asanlıqlamı gəldiniz?
- Xeyr, çox çətinliklər gördüm. Elə arzularım oldu ki, ürəyimdə qaldı.
- Hansı arzular idi onlar?
- Əslində istədiyimə çatdım, amma yarımçıq qaldı. 22 yaşımda sevdiyim insanla ailə həyatı qurdum və övlad dünyaya gətirdim. Amma bu evlilik axıra qədər getmədi.
- Neçə il ailəli oldunuz?
- İki il.
- Sonra..?
- Sonra 12 ərzində heç kimlə ailə qurmaq istəmədim. Ehtiyat edirdim sanki. Amma zaman elə gətirdi ki, on iki ildən sonra yenidən ailə həyatı qurdum.
- Ikinci dəfə ailə qurduğunuza görə peşman oldunuzmu?
- İkinci dəfə ailə quranda elə bir yaşda idim ki, düşünürdüm o yaşda yanılmaram. Lakin sonradan başa düşdüm ki, ikinci dəfə ailə qurmağımla ağılsızlıq etmişəm.
- İkinci ailə həyatınız nə qədər davam etdi?
- Üç il.
- Hər iki ailə həyatınızın qısa zaman kəsiyində dağılmasına səbəb nə idi axı? Bəlkə, xəyanət?!
- Mən həyatda çox insanlara güzəştə getmişəm. Həmişə bağışlamağı bacarmışam. Amma o elə bir şey idi ki, onu heç cür bağışlaya bilməzdim.
- Siz xaraktercə sanki bir qədər qapalı insansınız və sanki insanlarla aranızda müəyyən bir məsafə saxlayırsınız...
- Tamamilə doğrudur, çünki heç kimə güvənmirəm. Güvəndiyim insanlardan çox zərbələr almışam.
- Rəfiqəniz yoxdur?
- İnanmazsınız, dörd-beş dostum var, hamısı da kişidir. Mən anladım ki, xanımlarla rəfiqəlik etmək təhlükəlidir. Çünki qadın qadını heç vaxt istəməz. Düzdür, hər kəsə şamil etmək olmaz, amma mən ən azından bunun şahidi oldum.
- Burnunuzdan nəyi gətirdilər?
- Sevməyi burnumdan gətirdilər. Sevgisiz yaşamaq çətindir?
- İndi sevirsiniz?
- Xeyr. Üçüncü dəfə ailə qurmağı ağlımdan belə keçirtmirəm.
- Niyə?
- Çünki iki dəfə ərdə oldum, gördüyümü gördüm. O çətinlikləri, problemləri bir daha yaşamaq istəmirəm. Hərdən öz-özümə deyirəm ki, nə gözəldir azadlıq?!
- Həyat yoldaşınız sizə əl qaldırıbmı?
- Bu barədə danışmaq istəmirəm.
- Nəyin qarşısında susursunuz?
- Əslində danışmaq istədiyim, amma danışmadığım sözlər çoxdur. Düşünürəm ki, bəzi məqamlarda susmaq məsləhətdir. Susmaq çox məsələni həll edir.
- Nəyin yoxluğu ilə hələ də barışa bilmirsiniz?
- Mən iki qardaşımı itirmişəm. Düzdür, Allaha üsyan etmirəm, amma hələ də oların itkisi ilə barışa bilmirəm (kövrəlir).
- Hansı “yük”ü özünüzlə çəkib apara bilmirsiniz?
- Mən çox yorulmuşam, çox...
- Plastik əməliyyat etdirmisinizmi?
- Bəli, burnumu düzəltdirmişəm. Deyirdilər ki, çənəmə də cərrahi müdaxilə olunub, amma doğru məlumat deyil, çünki çənəmlə bağlı heç vaxt kompleks yaşamamışam.
- “Fələyin çarxı” dönsə, sizin üçün necə olar?
- O “çarx” çoxdan dönüb (gülür).
- Kimin əlindən yanıqlı qalmısınız?
- Biri var, onu Allaha tapşırmışam.
- Aqressivsinizmi?
- Bəzən olur ki, özümdən çox pis çıxıram.
- Açıq-saçıq geyimlərə qarşı kompleksiniz varmı?
- Mənə heç kim heç bir məhdudiyyət qoymur, amma mənim özümə qoyduğum müəyyən bir hədd var.
- Sizin üçün insanlıq “ölübmü”?
- Artıq üç ildir ki, bəli, “ölüb”. Mən artıq insanlardan hər şeyi gözləyirəm. Heç kimə güvənmirəm, inanmıram.
- Sözün bitdiyi yer haradır?
- Bəzən elə məqamlar olub ki, donub qalmışam, deməyə söz tapmamışam.
Söhbətləşdi: Cavidan Abdullayev, Niyam Şirinov.
