AzMİU-dan AZƏRTAC-a bildirilib ki, konfransda ölkəmizin ali təhsil müəssisələrindən, Azərbaycan Milli Elmlər Akademiyasının (AMEA) Tarix və Fəlsəfə İnstitutundan, Türkiyə, Çin və Rusiyadan nümayəndələr iştirak ediblər.
Konfransda AzMİU-nun rektoru, professor Gülçöhrə Məmmədova ümummilli lider Heydər Əliyevin həyat yoluna nəzər salıb, Ulu Öndərin uğurlu siyasətindən, dövlətçiliyimizin, ölkəmizin inkişafında göstərdiyi müstəsna xidmətlərdən danışıb.
Moskva Dövlət Hüquq Universitetinin birinci prorektoru, professor Y.Qraçovanın “Heydər Əliyev şəxsiyyəti: xatirələr” məruzəsi maraqla qarşılanıb. O, təmsil etdiyi təhsil ocağının rəhbərliyinin Ulu Öndərlə dostluq münasibətlərindən danışıb. Qonaq Moskva Dövlət Hüquq Universitetinin bağlanma təhlükəsi yarananda dərin zəka sahibi Heydər Əliyevin onlara dəstək olduğunu böyük minnətdarlıq hissi ilə yada salıb. Y.Qraçova müdrik şəxsiyyət Heydər Əliyevin Moskva Dövlət Hüquq Universitetinin fəxri professoru olduğunu vurğulayıb və Ulu Öndərin fotolarının yer aldığı xatirə kitabını AzMİU-nun rektoruna təqdim edib.
AMEA-nın A.Bakıxanov adına Tarix İnstitutunun direktor müavini Cəbi Bəhramov “Azərbaycan tarixində Heydər Əliyev şəxsiyyəti” mövzusunda məruzə ilə çıxış edib. O, Heydər Əliyev şəxsiyyətinə həsr olunmuş ikicildlik monoqrafiyanı universitetin kitabxanasına hədiyyə edib.
AMEA-nın Fəlsəfə İnstitutunun direktoru, professor İlham Məmmədzadə, AzMİU-nun ictimai fənlər kafedrasının müdiri, dosent Könül Əliyeva və Bilik Fondunun Aparat rəhbəri İsaxan Vəliyev Ümummilli Liderin həm sovet dönəmində, həm də müstəqillik illərində gördüyü böyük işlərdən söz açıblar.
Sonra konfrans işini ayrı-ayrı bölmələrdə davam etdirib.
Realpress.az
Ümummilli lider Heydər Əliyevin anadan olmasının 99-cu ildönümünə həsr olunan “Sən elə bir zirvəsən” respublika ifa müsabiqəsi mayın 5-dək davam edəcək. Müsabiqə Təhsil Nazirliyinin dəstəyi, Gənclərin Respublika Bədii Yaradıcılıq Evinin təşkilatçılığı ilə nazirlik sistemində fəaliyyət göstərən peşə və orta ixtisas təhsili müəssisələrinin şagird və tələbələri arasında keçirilir.
Magistraturaya qəbul imtahanında ən yüksək nəticə toplanılması mümkün olan 100 baldan 98 olub. Qəbul imtahanındakı nəticələri müsabiqə şərtlərini ödəyən bakalavrlar ixtisaslaşma seçiminə buraxılırlar. Müsabiqə şərtləri müxtəlif ixtisas qruplarına uyğun olaraq 30, 40, 45, 50 baldır.
Bir nəfərdə mobil telefon aşkarlandığı üçün, bir nəfər isə köçürməyə cəhd etdiyi üçün imtahandan xaric olunub və nəticələri ləğv edilib. Bundan əlavə, sual kitabçasını özü ilə aparan 4 nəfərin nəticəsi araşdırılır.
