Milli Məclisin (MM) Elm və təhsil komitəsinin növbəti iclasında “Orta ümumtəhsil müəssisələri haqqında” qanun layihəsini hazırlayacaq İşçi Qrupunun tərkibi müəyyən ediləcək.
Realpress.az-ın məlumatına görə, bunu MM-in Elm və təhsil komitəsinin bu gün keçirilən iclasında komitə sədri, akademik İsa Həbibbəyli deyib.
O qeyd edib ki, komitə “Orta ümumtəhsil müəssisələri haqqında” yeni qanun layihəsini hazırlamağa başlayır:
“Gələn iclasda qanun layihəsinin hazırlanması üçün İşçi Qrupunun tərkibini, vəzifələrini müəyyən edəcəyik. İstəyirik ki, bu qrupda Təhsil Nazirliyinin, Bakı Şəhəri üzrə Təhsil İdarəsinin nümayəndələri, özəl məktəblərdən birinin direktoru və başqaları təmsil olunsun.
Bu gün biz “Orta ümumtəhsil müəssisələri haqqında” qanun layihəsini hazırlamağa başladığımızı elan edirik. Hələ “Peşə təhsili haqqında” qanun layihəsi hazırlanarkən bunun üçün müəyyən hazırlıq işləri aparmışıq”.
Ümummilli lider Heydər Əliyevin anadan olmasının 99-cu ildönümünə həsr olunan “Sən elə bir zirvəsən” respublika ifa müsabiqəsi mayın 5-dək davam edəcək. Müsabiqə Təhsil Nazirliyinin dəstəyi, Gənclərin Respublika Bədii Yaradıcılıq Evinin təşkilatçılığı ilə nazirlik sistemində fəaliyyət göstərən peşə və orta ixtisas təhsili müəssisələrinin şagird və tələbələri arasında keçirilir.
Magistraturaya qəbul imtahanında ən yüksək nəticə toplanılması mümkün olan 100 baldan 98 olub. Qəbul imtahanındakı nəticələri müsabiqə şərtlərini ödəyən bakalavrlar ixtisaslaşma seçiminə buraxılırlar. Müsabiqə şərtləri müxtəlif ixtisas qruplarına uyğun olaraq 30, 40, 45, 50 baldır.
Bir nəfərdə mobil telefon aşkarlandığı üçün, bir nəfər isə köçürməyə cəhd etdiyi üçün imtahandan xaric olunub və nəticələri ləğv edilib. Bundan əlavə, sual kitabçasını özü ilə aparan 4 nəfərin nəticəsi araşdırılır.