Texnologiyanın sürətlə inkişaf etdiyi bir zamanda demək olar ki, əksər insanların işləri bilavasitə kompüter vasitəsilə həll olunur. Bəs görəsən gün ərzində saatlarla kompüter arxasında oturmaq insan sağlamlığı üçün təhlükəli deyilmi? Xüsusilə də gecə saatlarında kompüterlə məşğul olmaq insan sağlamlığı üçün ciddi təhlükə mənbəyidir.
Realpress.az xəbər veri ki, gecə kompüter arxasında oturan şəxslər ciddi yuxusuzluq yaşaya bilir.
Alimlər bu istiqamətdə apardıqları araşdırmalar əsasında mobil qurğulardan, eləcə də tabletlərdən istifadənin yuxu rejiminə mənfi təsir etdiyini bildiriblər. Belə ki, 22-28 yaş qrupu insanlar arasında tədqiqat aparılıb. Ard-arda 5 gün gecə saatlarında kompüter arxasında oturmaları tapşırılıb. Könüllülər ardıcıl olaraq 5 gecə kompüter arxasında keçirdikdən sonra bir neçə günü isə qəzet, kitab, jurnal və s. şüadan uzaq məşğuliyyətlərə ayırıblar.
Alimlərin verdiyi rəyə görə, şüa insanların gözlərini qıcıqlandıraraq orada narahatlıq yaradır. Bu isə yuxu rejiminin pozulmasına, əsəblərin gərilməsinə gətirib çıxarır. Könüllülərin elektron cihazlarla keçirdikləri gün, digər günlərə nisbətən 30-40 dəqiqə daha gec yuxuya getdikləri bəlli olub.
Eyniz zamanda iştirakçılar smartfonlardan uzaq qaldıqları günün sabahı özlərini nisbətən daha gümrah hiss etdiklərini deyiblər.
Boulder Universitetindən olan bir qrup mütəxəssis isə bütün bu cihazların, şüanın insan orqanizminin fizioloji göstəricilərinə mənfi təsir etdiyini bildirib. Gec yatmaq vərdişi müəyyən zamandan sonra insanda əqli pozuntulara, psixi xəstəliklərə (şizofreniya) gətirib çıxara bilir. Tədqiqatçılar onu da qeyd edir ki, yuxu rejiminin pozulması orqanizmdə epifizin ən əsas hormonu olan melatonin hormonunun ifraz sürətini də zəiflədir. (publika.az)
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.
