Ötən mövsümün sonunda İbrahim Şehiçlə yollarını ayıran “Qarabağ” qapıçı axtarışlarını davam etdirir.
Realpress.az xəbər verir ki, Ağdam təmsilçisi “Peskara”nın qapıçısı Vinçentso Fiorillodan sonra şotlandiyalı Con Maklaflinə “elçi düşüb”.
“Qarabağ”ın 30 yaşlı qolkiperlə danışıqlara başladığı bildirilir. Son klubu “Harts” olan Şotlandiya millisinin sabiq üzvünə Azərbaycan çempionu iki illik müqavilə təklif edib.
Mayın 31-də “Harts”la müqavilə müddəti bitmiş Maklaflinin hazırda azad agent statusu daşıması bu keçidin reallaşma ehtimalını artırır.
Qeyd edək ki, Con Maklaflin mart və may aylarında Şotlandiya millisinin yoldaşlıq oyunlarına çağırılıb.
Futbolçu iyunun 2-də mundial iştirakçısı Meksika ilə görüşdə millisində debüt edib. Həmin matçda ilk hissədə şotlandların qapısını qorumuş Maklaflin qapısından bir top buraxıb.
Qadın şahmatçılar arasında Avropa çempionatında IV turun oyunları keçirilib.
Azərbaycanın üç boksçusu Serbiyanın paytaxtı Belqradda keçirilən Avropa çempionatının beşinci günündə çıxışını qələbə ilə başa vurub.
Azərbaycan paraüzgüçüsü Raman Saley Portuqaliyanın Madeyra şəhərində keçirilən Avropa Açıq Çempionatının ikinci günündə gümüş medal qazanıb.