“Google” şirkətinə məxsus “YouTube” videohostinqi tamaşaçılarının sayı 100 mindən çox populyar kanallar üçün ödənişli abunəçilik sisteminin tətbiqinə başlayır. Yeni funksiyaların təsviri şirkətin bloqunda dərc olunub.
“ICTnews” Elektron Xəbər Xidməti “NEWSru” resursuna istinadən yazır ki, “Channel Memberships” adlanan funksiya ödənişli abunəçilərə unikal nişanlar, emodzi, qrup üzvləri üçün bildirişlər, eləcə də kanal müəlliflərinin əlavə kontenti, o cümlədən videoçarx və birbaşa efirlərdən istifadəyə imkan yaradır. Aylıq abunə haqqı 4,99 dollar təşkil edir.
Bundan başqa, “YouTube” rəhbərliyinin “Teespring” servisi ilə tərəfdaşlığı sayəsində videoblogerlər öz atributlarına malik məhsullarını bilavasitə videoservisin saytında satışa çıxara biləcəklər.
Daha bir yenilik isə kanal müəlliflərinə əvvəlcədən yeni videoçarxların buraxılışını elan etməyə imkan verəcək. Xüsusi “Premyera” bölməsi avtomatik xüsusi gözləmə səhifəsini yaratmağa şərait yaradacaq. Burada tamaşaçılar əvvəlcədən qrup yazışmasında (çatda) danışa biləcəklər.
Xatırladaq ki, həftənin əvvəlində “YouTube” 12 yeni ölkədə ödənişli “YouTube Music” və “YouTube Premium” servislərini istifadəyə verib.
Realpress.az
Vatsapın rusiyalı istifadəçiləri messencerin iş keyfiyyətindən şikayətlənirlər.
Rusiya Baş Prokurorluğu Rabitə, İnformasiya Texnologiyaları və Kütləvi Kommunikasiyalara Nəzarət üzrə Federal Xidmətindən “Instagram”a məhdudiyyət qoyulmasını tələb edib.
Notbuk seçərkən çoxsaylı modellər arasında başını itirə bilərsən. Bu halda “Apple” brendi işimizi xeyli asanlaşdırır. Belə ki, bu şirkət kəmiyyətə deyil, keyfiyyətə üstünlük verir, buna görə də onun notbukları lakonikliyi və rahatlığı ilə seçilir.
