Türkiyədə seçkilərin yekun nəticələri məlum olub - YENİLƏNİB

25 İyun 2018 08:50

Türkiyədə iyunun 24-də keçirilən prezident və parlament seçkilərinin yekun nəticələri məlum olub.

realpress.az-ın məlumatına görə, seçkilərə Milliyyətçi Hərəkat Partiyası (MHP) və Böyük Birlik Partiyası (BBP) ilə ittifaq quraraq gedən iqtidardakı Ədalət və İnkişaf Partiyasının (AKP) namizədi, hazırkı prezident Rəcəb Tayyib Ərdoğan 52.5% səs toplayaraq ilk turda yenidən prezident seçilib.

Onun əsas rəqibi Cümhuriyyət Xalq Partiyasının (CHP) namizədi Məhərrəm İncə isə 31% səs toplaya bilib. Xalqların Demokratik Partiyasının (HDP) namizədi Səlahəddin Dəmirtaş 8,2%, keçən ilin payızında qurulan İyi Partiyanın namizədi Meral Akşener 7,4%, Səadət Partiyasının namizədi Temel Karamollaoğlu 0,9%, Vətən Partiyasının sədri Doğu Perinçek isə 0,2% səs toplayıb.

23:37 (24 iyun)

Türkiyədə keçirilən prezident seçkilərində bülletenlərin 93,7 faizi hesablanıb.

realpress.az-ın məlumatına görə, Rəcəb Tayyip Ərdoğan 52,9 % səslə liderdir.

Cümhuriyyət Xalq Partiyasının (CHP) namizədi Məhərrəm İncə 30,6%, İyi Partiyanın sədri Meral Akşenerdi 7,5% səs toplayıblar.

22:10

Türkiyədə keçirilən prezident seçkilərində bülletenlərin 82 faizi hesablanıb.

realpress.az-ın məlumatına görə, Rəcəb Tayyip Ərdoğan 54,11% səslə liderdir.

Cümhuriyyət Xalq Partiyasının (CHP) namizədi Məhərrəm İncə 29,96%, İyi Partiyanın sədri Meral Akşenerdi 07,49% səs toplayıblar. 

21:37

Hazırda Türkiyədə keçirilən növbədənkənar prezident və parlament seçkilərində səsverməsi sayı hesablanır.

realpress.az-ın məlumatına görə, prezident seçkilərində bülletenlərin 65 faizi hesablanıb.

Rəcəb Tayyip Ərdoğan 55,47%-ni toplayaraq, namizədlər arasında ilk sıradadır. 

Cümhuriyyət Xalq Partiyasının (CHP) namizədi Məhərrəm İncə 29,22%, İyi Partiyanın sədri Meral Akşenerdi 07,47% səs toplayıb.

20:35

Türkiyədə keçirilən prezident seçkilərində bülletenlərin 42 faizi hesablanıb.

realpress.az-ın verdiyi xəbərə görə, ilk yeri səslərin 56,98%-ni toplayan Türkiyənin hazırkı prezidenti Rəcəb Tayyib Ərdoğan  tutur.

İkinci yerdə Cümhuriyyət Xalq Partiyasının (CHP) namizədi Məhərrəm İncə (28,31%), üçüncü isə İyi Partiyanın sədri Meral Akşenerdi (07,45%).

20:09

Bu gün Türkiyədə keçirilən növbədənkənar prezident və parlament seçkilərində səslərin sayı hesablanır.

realpress.az-ın məlumatına görə, hazırda səslərin 19,6 faizi hesablanıb.

Sayılan səslərə əsasən, Türkiyənin hazırkı prezidenti Təcəb Tayyib Ərdoğan 59,6 faiz səs toplayıb. O, hazırkı nəticəyə əsasən, liderdir.

CHP-nin namizədi Muharrem İncə 26,1, İyi Partiyanın sədri Meral Akşener 7,7 faiz, Demokratik Toplum Partiyasının namizədi Səlahəddin Dəmirtaş 5,5 faiz, Səadət Partiyasının sədri Təməl Karamollaoğlu 0,9 faiz, Vətən Partiyasının sədri Doğu Perinçək 0,2 faiz səs toplayıb.

18:37

Bu gün Türkiyədə keçirilən növbədənkənar prezident və parlament seçkilərində səsvermə başa çatıb.

realpress.az-ın məlumatına görə, yerli vaxtla saat 8-də başlayan seçkilər saat 17-də başa çatıb.

Seçkilərin ilk nəticələrinin yeri vaxtla saat 19.00-dan sonra açıqlanması gözlənilir. 

09:19

Türkiyədə növbədənkənar prezident və parlament seçkiləri  başlayıb.

realpress.az-ın məlumatına görə, yerli vaxtla saat 8-də başlayan seçkilər saat 17-də başa çatacaq.

Seçkilərin ilk nəticələrinin yeri vaxtla saat 19.00-dan sonra açıqlanması gözlənilir. 

00.01

Bu gün qardaş və dost Türkiyədə növbədənkənar parlament (27-ci çağırış) və prezident seçkiləri keçiriləcək.

realpress.az-ın xəbərinə görə, təxminən 60 milyona yaxın seçicinin iştirak edəcəyi seçkilər (səsvermə prosesi) Türkiyə vaxtı ilə  səhər saat 8-də başlayacaq və axşam saat 17:00-da bitəcək.

Prezident seçkilərində 6 namizəd mübarizə aparacaq.

Bunlar Rəcəb Tayyib Ərdoğan (AKP), Meral Akşənər (İYİ Parti), Muharrem İncə (CXP), Təməl Karamollaoğlu (Səadət Partiyası ), Doğu Perinçək (Vətən Partiyası) və Selaheddin Demirtaşdır (HDP).

Mübarizənin də daha çox Ərdoğan-İncə-Akşənər arasında keçəcəyi və ikinci turun qaçılmaz olacağı ehtimal edilir.

Parlament seçkilərində isə mübarizə aparacaq siyasi partiyalar və seçki ittifaqları bunlardır:

“Cümhur” İttifaqı (AKP, MHP, BBP), “Millət” İttifaqı (CXP, İP, Demokrat, “Səadət”), Vətən Partiyası və HÜDAPar.

Parlament seçkilərində də mübarizənin daha çox “Cümhur”la “Millət” ittifaqı arasında olacağı qeyd olunur.

Qeyd edək ki, 2016-cı il referendumdan sonra Türkiyə Böyük Millət Məclisindəki (TBMM) deputat yerlərinin sayı 550-dən 600-ə qaldırılıb.

Yəni, 600 millət vəkili yeri uğrunda mübarizə gedəcək.

“Cümhur” İttifaqının hər iki seçkini udacağı təqdirdə, Türkiyədə tam prezident üsul-idarəsinə keçiləcəyi, “Millət” İttifaqının seçkiləri qazanacağı halda isə yenidən parlament üsul-idarəsinin bərqərar olunacağı gözlənilir.