Türkiyədə keçirilən parlament seçkilərində Böyük Millət Məclisinin üzvü seçilənlər arasında məşhur futbolçu da var.
Realpress.az xəbər verir ki, Türkiyə millisinin sabiq futbolçusu Alpay Özalan millət vəkili seçilib.
Özalanın namizədliyini hakim Ədalət və İnkişaf Partiyası (AKP) irəli sürüb. Keçmiş futbolçu doğulduğu İzmirin millət vəkili olub.
Qeyd edək ki, mərkəz müdafiəçisi olmuş Alpay Özalan Türkiyədə “Beşiktaş”, “Fənərbağça”, İngiltərədə “Aston Vila”, Almaniyada “Köln” kimi klubların şərəfini qoruyub. O, 1995-2005-ci illərdə Türkiyə millisi ilə doxsan matça çıxıb və dörd qola imza atıb.
Özalan 1996-cı ildəki Avropa çempionatında komandası üçün qələbə qolunu vuran xorvat Qoran Vlaoviçi yıxmadığı üçün Feyr-pley mükafatına layiq görülüb. O, 2002-ci ildəki mundialda Türkiyə millisinin bürünc medal qazanan heyətində olub.
Aprelin 25-də Azərbaycan Respublikasının Prezidenti İlham Əliyev və Qırğız Respublikasının Prezidenti Sadır Japarov Ağdam Cümə məscidinin bərpadan sonra açılışında iştirak ediblər.
Azərbaycanda səfərdə olan Qırğızıstan Prezidenti Sadır Japarova Qarabağ atı hədiyyə edilib.
“Azərbaycanda 2019-cu ildən bu günə qədər özəl sektorda 385 mindən çox iş yeri yaradılıb”.
