İyunun 27-də Azərbaycan Texniki Universitetində (AzTU) “İdeyadan biznesə” layihəsi çərçivəsində seminar keçirilib.
AzTU-dan AZƏRTAC-a bildirilib ki, Kaliforniya Silikon Vadisinin və Berkeley Universitetinin təmsilçisi Richard Rasmusse tərəfindən keçirilən seminar “Lokal qalaraq qlobal əhəmiyyəti necə əldə etməli?” mövzusuna həsr olunub.
Seminarda qonaqları salamlayan AzTU-nun prorektoru, professor Sübhan Namazov Azərbaycanda startap layihələrin və təsisatların formalaşdırılması ilə bağlı son illər görülən işlərə nəzər salaraq qısa zaman ərzində yüksək nəticələr əldə olunduğunu qeyd edib. O, Nəqliyyat, Rabitə və Yüksək Texnologiyalar Nazirliyinin Yüksək Texnologiyalar Parkı ilə Azərbaycan Texniki Universiteti arasında imzalanan əməkdaşlıq müqaviləsinə diqqət çəkərək bildirib ki, texnoparkın ali təhsil müəssisələri ilə əməkdaşlığı startap mühitinin formalaşdırılması üçün vacib amildir. Prorektor əməkdaşlıq nəticəsində artıq ikinci uğura imza atıldığını vurğulayıb: “Bir neçə gün öncə bizim alimlərin ixtiraları Yüksək Texnologiyalar Parkının təşəbbüsü ilə nəqliyyat və logistika sərgisində nümayiş olundu. Mühüm şəxslər eləcə də ictimaiyyət bir daha bu ixtiralarla, onların əhəmiyyəti ilə bağlı məlumatlandırıldı. Bu görüş isə əməkdaşlığa başladığımız bir ay ərzində ikinci işimizdir. Düşünürəm ki, birgə uğurlarımızın sayı artacaq”.
Nazirliyin informasiya cəmiyyətinin və elektron idarəçiliyin innovativ inkişafı şöbəsinin müdiri Rəşad Əzizov seminarın əhəmiyyətini vurğulayaraq deyib: “Riçhard Rasmusse ABŞ-ın Silikon Vadisində, eləcə də Kanadada ən məşhur startap ekspertidir. Onun ölkəmizdə olması və tələbələrlə təcrübələrini bölüşməsi çox sevindirici haldır. Düşünürəm ki, tələbələr bu görüşdən faydalı məlumatlar, startapla bağlı yeni metodlar əldə edəcəklər. Çox sevindirici haldır ki, bizim bugünkü görüşümüzdə AzTU tələbələri ilə yanaşı, “İdeyadan biznesə” startap turunun qalibi olan komandaların üzvləri də iştirak edirlər”.
Daha sonra Riçhard Rasmussenin mühazirəsi dinlənilib.
Tədbir çərçivəsində erkən inkişaf mərhələsində olan yerli startapların sürətli böyümə strategiyası, bazar potensialı və digər aktual məsələlər müzakirə olunub. Riçhard Rasmussenin iştirakı ilə bir sıra universitetlərdə də seminarlar davam edəcək. Tərəflər Azərbaycan və ABŞ-ın üzləşdiyi startap ekosistemi problemlərinin həlli yollarını araşdıracaqlar.
Xatırladaq ki, Riçhard Rasmusse dünyanın ən böyük biznes ideya yarışması olan “Climate Launchpad”ın hakimlərindən biri rolunda çıxış edir.
Realpress.az
Ümummilli lider Heydər Əliyevin anadan olmasının 99-cu ildönümünə həsr olunan “Sən elə bir zirvəsən” respublika ifa müsabiqəsi mayın 5-dək davam edəcək. Müsabiqə Təhsil Nazirliyinin dəstəyi, Gənclərin Respublika Bədii Yaradıcılıq Evinin təşkilatçılığı ilə nazirlik sistemində fəaliyyət göstərən peşə və orta ixtisas təhsili müəssisələrinin şagird və tələbələri arasında keçirilir.
Magistraturaya qəbul imtahanında ən yüksək nəticə toplanılması mümkün olan 100 baldan 98 olub. Qəbul imtahanındakı nəticələri müsabiqə şərtlərini ödəyən bakalavrlar ixtisaslaşma seçiminə buraxılırlar. Müsabiqə şərtləri müxtəlif ixtisas qruplarına uyğun olaraq 30, 40, 45, 50 baldır.
Bir nəfərdə mobil telefon aşkarlandığı üçün, bir nəfər isə köçürməyə cəhd etdiyi üçün imtahandan xaric olunub və nəticələri ləğv edilib. Bundan əlavə, sual kitabçasını özü ilə aparan 4 nəfərin nəticəsi araşdırılır.