İyulun 6-da Təhsil Nazirliyində “Təhsil haqqında” Azərbaycan Respublikasının Qanununda dəyişikliklər edilməsi ilə bağlı brifinq keçirilib.
Realpress.az AZƏRTAC-a istinadən xəbər verir ki, nazirliyin aparat rəhbərinin müavini Fərzəli Qədirov “Təhsil haqqında” Azərbaycan Respublikasının Qanununda dəyişikliklər edilməsi barədə Azərbaycan Respublikasının 2018-ci il 12 iyun tarixli Qanununun əhəmiyyətini vurğulayıb. Bildirilib ki, “Təhsil haqqında” Qanuna 60-dan çox dəyişikliklər edilib və iki maddə əlavə olunub. “Təhsil haqqında” Qanunda təhsil müəssisələrində psixoloji xidmətin təşkili, ali təhsil müəssisələrində orta ixtisas təhsilinin təşkili, pedaqoji fəaliyyətlə məşğulolma qaydaları, dövlət ümumtəhsil müəssisələrində işləyən təhsilverənlərin sertifikatlaşdırma qaydası və digər məsələlərlə bağlı dəyişikliklər edilib.
Tədbirdə mövzu ilə bağlı suallar cavablandırılıb.
Ümummilli lider Heydər Əliyevin anadan olmasının 99-cu ildönümünə həsr olunan “Sən elə bir zirvəsən” respublika ifa müsabiqəsi mayın 5-dək davam edəcək. Müsabiqə Təhsil Nazirliyinin dəstəyi, Gənclərin Respublika Bədii Yaradıcılıq Evinin təşkilatçılığı ilə nazirlik sistemində fəaliyyət göstərən peşə və orta ixtisas təhsili müəssisələrinin şagird və tələbələri arasında keçirilir.
Magistraturaya qəbul imtahanında ən yüksək nəticə toplanılması mümkün olan 100 baldan 98 olub. Qəbul imtahanındakı nəticələri müsabiqə şərtlərini ödəyən bakalavrlar ixtisaslaşma seçiminə buraxılırlar. Müsabiqə şərtləri müxtəlif ixtisas qruplarına uyğun olaraq 30, 40, 45, 50 baldır.
Bir nəfərdə mobil telefon aşkarlandığı üçün, bir nəfər isə köçürməyə cəhd etdiyi üçün imtahandan xaric olunub və nəticələri ləğv edilib. Bundan əlavə, sual kitabçasını özü ilə aparan 4 nəfərin nəticəsi araşdırılır.
