Bakıda nümayiş olunacaq fransız filmlərinin proqramı açıqlanıb

Bakıda nümayiş olunacaq fransız filmlərinin proqramı açıqlanıb
09 Avq 2018 12:52

Fransanın Azərbaycandakı səfirliyi, Bakıdakı Fransız İnstitutu və “Landmark Hotel Baku”nun birgə təşkilatçılığı ilə avqust və sentyabr aylarında hər cümə günü, azərbaycanlı məşhurların təqdimatında, onların sevimli fransız filmləri bakılı kinosevərlərə təqdim ediləcək.

Fransa səfirliyinin mətbuat xidmətindən AZƏRTAC-a bildirilib ki, “Mənim fransız filmim” layihəsi çərçivəsində ölkənin sevilən sənət adamları, “Landmark”ın səmaya açıq terrasında nümayiş ediləcək fransız filmləri haqqında təəssüratlarını bölüşəcəklər.

Artıq layihənin ilk filmi nümayiş olunub. Proqrama əsasən avqustun 10-da Elza Furtadonun (fransalı aktrisa) iştirakı ilə Antonen Peretyatkonun “14 iyul qızı”, 17-də Rüstəm Hüseynovun (fotoqraf, “Artlogos” klubunun kuratoru və rejissoru) iştirakı ilə Jan-Lük Qodarın “Son nəfəsdə”, 24-də Əli İsa Cabbarovun (rejissor, prodüser) iştirakı ilə Jan-Lük Qodarın “Həyatını yaşamaq”, 31-də Teymur Hacıyevin (rejissor) iştirakı ilə Jan-Pyer Melviyin “Qırmızı dairə”, sentyabrın 7-də Teymur Daiminin (filosof, audiovizual rəssam, rejissor) iştirakı ilə Leos Karaksın “Holy Motors”, 14-də Elçin Əliyevin (memar, dizayner, sənətşünas) iştirakı ilə Lui Mal-ın “Lacombe Lucien”, 21-də İlqar Safatın (rejissor) iştirakı ilə Rober Bressonun “Pul” və sentyabr 28-də Bəhram Bağırzadənin (aktyor, rejissor) iştirakı ilə Fransis Veberin “Oyuncaq” filmləri təqdim olunacaq.

İngilis altyazıları ilə nümayiş edilən filmlərə baxmaq üçün giriş sərbəstdir.

Realpress.az


6 Noy 2023
Mədəniyyət

“Avroviziya 2024” mahnı müsabiqəsinə seçim davam edir - FOTO

“Avroviziya 2024” mahnı müsabiqəsində ölkəmizi təmsil edəcək iştirakçının seçimləri başlayıb.

15 İyun 2022
Mədəniyyət

Leyla Əliyeva Cenevrədə “Mənim dənizlərim, mənim okeanlarım” sərgisinin açılışında iştirak edib

Heydər Əliyev Fondunun və IDEA (Ətraf Mühitin Mühafizəsi üzrə Beynəlxalq Dialoq) İctimai Birliyinin təşəbbüsü, Birləşmiş Millətlər Təşkilatının (BMT) Cenevrə şəhərindəki bölməsi və Azərbaycanın BMT-nin Cenevrə şəhərindəki bölməsi yanında daimi nümayəndəliyinin dəstəyi ilə təşkil edilən “Mənim dənizlərim, mənim okeanlarım” (My Seas, My Oceans) sərgisinin açılışı olub.

14 İyun 2022
Mədəniyyət

Azərbaycanda kinoşünaslar üçün yeni sayt yaradılıb

Azərbaycan Kinematoqrafçılar İttifaqı (AKİ) kinoşünaslar və kinoyazarlar üçün yeni sayt təsis edib.

14 İyun 2022
Mədəniyyət

Azərbaycan Kinematoqrafçılar İttifaqı Rasim Balayevi tənqid edənlərə xəbərdarlıq edib

Azərbaycan Kinematoqrafçılar İttifaqı (AKİ) təşkilatın sədri Xalq artisti Rasim Balayevi tənqid edənlərə xəbərdarlıq edib.