Estoniya Gen Fondu robotu işə qəbul edib. Qeyri-adi əməkdaş ölkə sakinlərinin gen məlumatlarının toplanmasını sürətləndirməyə imkan verəcək. İş yerində robot yığılan qanı komponentlərə ayırmağa kömək edəcək.
"ICTnews" Elektron Xəbər Xidməti "NEWSru www.newsru.com" resursuna istinadən yazır ki, Estoniya Gen Fondunun biobank laboratoriyasının rəhbəri Steven Smit "ETV+" telekanalına bildirib ki, DNK-nı ayıran qurğu vasitəsilə yarım saata 100-ə yaxın genetik nümunəni emal etmək mümkündür. "Əvvəllər əllə edilən bu prosesə təxminən 1 həftə vaxt tələb olunurdu, eyni zamanda 96 deyil, 24 nümunə emal edilirdi", - o qeyd edib.
Məlumata görə, 2 həftə ərzində robot 4 mindən çox genetik nümunəni sınaqdan keçirib. Tədqiqatın ən vacib elementi olan genotipləşdirilməni isə 10 mindən çox nümunə üzərində aparmaq mümkün olub.
Tartu Universiteti nəzdində fəaliyyət göstərən Estoniya Gen Fondu könüllü DNK donorlarının nəsli, sağlamlıq vəziyyəti, eləcə də gen tədqiqatları haqqında məlumatları siyahıya alan bazadır. Bu məlumatlar alimlərə genetik informasiyanın və onun dəyişikliklərinin fərdin inkişafına, onun qocalmasına, rifahına və xəstəliyinə təsirini anlamağa kömək edən elmi tədqiqatlar aparmağa imkan verir.
Realpress.az
Günəşdəki güclü partlayışlar Yerdə gözlənilməz maqnit qasırğasına səbəb olub.
Avstraliya və Çilidən olan bir qrup elm adamı Çilidəki Atakama səhrasında teleskopların köməyilə apardıqları müşahidələr nəticəsində "J0529-4351" adlı son dərəcə parlaq və kütləvi kvazar ( Kvazi ulduzlar və ya kvazarlar-müşahidə olunan kainatın ən parlaq obyektləridir ) haqqında təəccüblü təfərrüat aşkarlayıblar.
Günəşdə ən yüksək “X” sinfinə aid partlayış baş verib.
