Oktyabrın 15-də Azərbaycan Milli Elmlər Akademiyasının (AMEA) Mərkəzi Elmi Kitabxanasında “Geologiya və geofizikanın müasir problemlərinin həllində informasiya texnologiyaları” mövzusunda VII beynəlxalq elmi konfrans öz işinə başlayıb.
Realpress.az AZƏRTAC-a istinadla xəbər verir ki, AMEA-nın Geologiya və Geofizika İnstitutunun (GGİ) yaradılmasının 80 illiyinə həsr olunan konfransın işində dünyanın 18 ölkəsindən 140-dən çox gənc tədqiqatçı iştirak edir.
Tədbirdə AMEA Yer Elmləri Bölməsinin akademik-katibi, akademik Fəxrəddin Qədirov bildirib ki, GGİ iki ildən bir gənc mütəxəssis, doktorant və tələbələr üçün geologiya və geofizikanın müasir problemlərinə həsr olunan beynəlxalq elmi konfrans təşkil edir. Azərbaycanda elmin inkişafından, gənc alimlərin elmi fəaliyyəti üçün yaradılmış şəraitdən danışan akademik konfransın işinə uğurlar arzulayıb. Diqqətə çatdırılıb ki, konfransda dörd panel üzrə gənclərin elmi məruzələri dinləniləcək və müzakirələr aparılacaq. Konfransın məqsədi geologiya və geofizika sahəsində çalışan gənclərin elmi fəaliyyətinə dəstək göstərmək, onların müasir elmi yanaşma və metodologiyaları mənimsəmək imkanlarını artırmaq, əldə etdikləri elmi yeniliklər barədə geniş formatlı platformada müzakirələr aparmaqdır.
GGİ-nin çöküntü hövzələrinin geokimyası və flüid dinamikası şöbəsinin rəhbəri, akademik Əkbər Feyzullayev, AMEA Gənc Alim və Mütəxəssislər Şurasının sədri Famin Salmanov, yer elmləri üzrə fəlsəfə doktoru, dosent Orxan Abbasov, BP-nin səlahiyyətli nümayəndəsi Arzu Cavadova, Martin Lüter Universitetinin professoru İan Lörç çıxış edərək konfransın işinə uğurlar arzulayıblar.
Tədbir oktyabrın 18-dək davam edəcək.
Ümummilli lider Heydər Əliyevin anadan olmasının 99-cu ildönümünə həsr olunan “Sən elə bir zirvəsən” respublika ifa müsabiqəsi mayın 5-dək davam edəcək. Müsabiqə Təhsil Nazirliyinin dəstəyi, Gənclərin Respublika Bədii Yaradıcılıq Evinin təşkilatçılığı ilə nazirlik sistemində fəaliyyət göstərən peşə və orta ixtisas təhsili müəssisələrinin şagird və tələbələri arasında keçirilir.
Magistraturaya qəbul imtahanında ən yüksək nəticə toplanılması mümkün olan 100 baldan 98 olub. Qəbul imtahanındakı nəticələri müsabiqə şərtlərini ödəyən bakalavrlar ixtisaslaşma seçiminə buraxılırlar. Müsabiqə şərtləri müxtəlif ixtisas qruplarına uyğun olaraq 30, 40, 45, 50 baldır.
Bir nəfərdə mobil telefon aşkarlandığı üçün, bir nəfər isə köçürməyə cəhd etdiyi üçün imtahandan xaric olunub və nəticələri ləğv edilib. Bundan əlavə, sual kitabçasını özü ilə aparan 4 nəfərin nəticəsi araşdırılır.
