Böyük Britaniyada internetə qoşulan ev qurğuları istehsalçıları üçün təhlükəsizlik kodeksi dərc edilib. Təlimat kiberhücumlar üçün istifadə edilən qurğuların mühafizəsini və hakerlər tərəfindən istifadəçi məlumatlarının oğurlanması ilə bağlı cinayətlərin qarşısının alınmasını nəzərdə tutur.
“ICTnews” Elektron Xəbər Xidməti “Hightech” resursuna istinadən yazır ki, hökumətin təşəbbüsü ilk növbədə qapı zəngləri, kameralar, oyuncaqlar və mühafizə siqnalları kimi kiçik “ağıllı” ev qurğuları istehsalçılarına yönəlib. Ekspertlər qeyd edir ki, əksər kiberhücumlarda belə qurğuların pis təhlükəsizlik səviyyəsindən istifadə olunub.
Məlumata görə, rəqəmli texnologiyalar, mədəniyyət, KİV və idman Departamenti və Milli Kibertəhlükəsizlik Mərkəzi tərəfindən hazırlanan sənədə istehsalçıların daha təhlükəsiz məhsullar hazırlaması üçün atacaqları 13 addım daxildir. Bu, müştərilərin şifrlənmiş məlumatlarının saxlanılması, proqram təminatının mütəmadi yenilənməsi, istifadəçilərə daha etibarlı parollar seçməklə bağlı tələblər və daha bir neçə müddəadır.
Sənəd müəllifi Corc Braşer “BBC” telekanalına müsahibədə qeyd edib ki, istifadəçilər təhlükəli qurğunu asanlıqla geri qaytarmaq imkanına malik olmalı, pərakəndə satış nöqtələri isə hücumlar üçün boşluğu olan qurğuları satmamaqla bağlı üzərilərinə öhdəlik götürməlidirlər. Onun sözlərinə görə, hökumət şirkətlərdən “Əşyalar interneti”nin təhlükəsizliyinin gücləndirilməsini tələb edən qanunlar hazırlamağı planlaşdırır.
Realpress.az
Vatsapın rusiyalı istifadəçiləri messencerin iş keyfiyyətindən şikayətlənirlər.
Rusiya Baş Prokurorluğu Rabitə, İnformasiya Texnologiyaları və Kütləvi Kommunikasiyalara Nəzarət üzrə Federal Xidmətindən “Instagram”a məhdudiyyət qoyulmasını tələb edib.
Notbuk seçərkən çoxsaylı modellər arasında başını itirə bilərsən. Bu halda “Apple” brendi işimizi xeyli asanlaşdırır. Belə ki, bu şirkət kəmiyyətə deyil, keyfiyyətə üstünlük verir, buna görə də onun notbukları lakonikliyi və rahatlığı ilə seçilir.
