“Apple” şirkəti müxtəlif nəşrlərin jurnalistlərini oktyabrın 30-da Nyu-Yorkda keçiriləcək yeni qurğuların təqdimat mərasiminə dəvət edib.
“ICTnews” Elektron Xəbər Xidməti “NEWSru” resursuna istinadən yazır ki, ABŞ istehsalçısı tərəfindən hansı qurğuların nümayiş etdiriləcəyi naməlum olsa da, şayiələrə görə, “iPad Pro” istehsal xəttinə aid yeni planşetlər təqdim olunacaq. Onlar “Face ID” sifətin tanınması sistemi, daha nazik ekran çərçivəsi, eləcə də “Lightning” əvəzinə “USB-C” çıxışı ilə təchiz ediləcək.
Bundan başqa, yenilənmiş noutbuklar və ya fərdi kompüterlər, o cümlədən uzun müddətdir yenilənməyən və nisbətən ucuz “MacBook Air” modelini əvəzləyəcək noutbukun nümayiş ediləcəyi istisna edilmir. Qurğunun ensiz çərçivəli 12 düymlük “Retina” ekranı ilə təchiz ediləcəyi bildirilir. Həmçinin yeni “Mac Mini” kompüterinin nümayiş olunacağı gözlənilir.
Bundan əlavə, şirkət “FaceTime” servisində qrup şəklində zənglər funksiyası və iki SİM kart dəstəyi ilə təchiz ediləcək “iOS 12.1” sistemi, eləcə də “Apple Watch Series 4” qurğusu vasitəsilə elektrokardioqrafiya etmək imkanının quraşdırılacağı “ağıllı” saatlar üçün “watchOS” sisteminin yenilənmiş versiyası haqqında məlumat verə bilər.
Bu dəfə “Apple” jurnalistlərə dizaynına görə bir-birindən fərqlənən (onların üzərində şirkətin loqotipi müxtəlif şəkildə əks olunub) 50 müxtəlif versiyadan ibarət dəvətnamələr göndərib. Bu, “There's more in the making” şüarı ilə keçiriləcək tədbirin proqramının zəngin olacağından xəbər verir.
Realpress.az
Vatsapın rusiyalı istifadəçiləri messencerin iş keyfiyyətindən şikayətlənirlər.
Rusiya Baş Prokurorluğu Rabitə, İnformasiya Texnologiyaları və Kütləvi Kommunikasiyalara Nəzarət üzrə Federal Xidmətindən “Instagram”a məhdudiyyət qoyulmasını tələb edib.
Notbuk seçərkən çoxsaylı modellər arasında başını itirə bilərsən. Bu halda “Apple” brendi işimizi xeyli asanlaşdırır. Belə ki, bu şirkət kəmiyyətə deyil, keyfiyyətə üstünlük verir, buna görə də onun notbukları lakonikliyi və rahatlığı ilə seçilir.
