Əksər internet istifadəçiləri kişilərdir, bir sıra ölkələrdə isə şəbəkənin qadın auditoriyası kişi auditoriyasından iki dəfə azdır. Bu barədə “Inclusive Internet Index” təşkilatının tədqiqatında deyilir.
“ICTnews” Elektron Xəbər Xidməti “Lenta” resursuna istinadən yazır ki, kişilər internetdən qadınlarla müqayisədə orta hesabla 33,5 faiz çox istifadə imkanına malikdirlər. Bu, əsasən qadınların əksər ölkələrdə qarşılaşdıqları məhdudiyyətlərlə əlaqədardır: təhsil almaq və ya işləmək imkanının olmaması, aşağı əməkhaqqı.
Məsələn, Hindistanın Nyu Dehli və ya Filippinin Manila şəhərlərinin sakinləri əmindir ki, internetdə qadınlar tərəfindən istifadə olunan kontent üzərində nəzarət olmalı və məhdudiyyət tətbiq edilməlidir. Onların üçdə iki hissəsi hesab edir ki, qadınlar internet kafeyə getməməlidir.
“Web Foundation” təşkilatının tədqiqatlar rəhbəri Danaray Takurun sözlərinə görə, ailədə bir telefon olanda, böyük ehtimalla ondan kişi istifadə edəcək. “İnsanın evdə bir telefonu olanda, qadınlar internetdən yararlanmaq imkanından məhrum olur”, - o qeyd edib.
Bildirilir ki, daha bir amil internetə qoşulmaq üçün tariflərin baha olması ilə əlaqədardır. Sahə üzrə təşkilatların ekspertləri əmindir ki, kasıblar internetə yalnız çıxış üçün tariflər onların aylıq gəlirlərinin 2 faizinə bərabər olanda maraq göstərəcəklər.
Realpress.az
Vatsapın rusiyalı istifadəçiləri messencerin iş keyfiyyətindən şikayətlənirlər.
Rusiya Baş Prokurorluğu Rabitə, İnformasiya Texnologiyaları və Kütləvi Kommunikasiyalara Nəzarət üzrə Federal Xidmətindən “Instagram”a məhdudiyyət qoyulmasını tələb edib.
Notbuk seçərkən çoxsaylı modellər arasında başını itirə bilərsən. Bu halda “Apple” brendi işimizi xeyli asanlaşdırır. Belə ki, bu şirkət kəmiyyətə deyil, keyfiyyətə üstünlük verir, buna görə də onun notbukları lakonikliyi və rahatlığı ilə seçilir.
