Yaponiyanın Kioto Universitetinin alimləri Parkinson xəstəliyinin müalicəsi üçün induksiya edilmiş gövdə hüceyrələrinin (iPS hüceyrələr) transplantasiyası üzrə ilk uğurlu əməliyyat keçiriblər.
“ICTnews” Elektron Xəbər Xidməti “Hightech” resursuna istinadən yazır ki, 50 yaşlı kişi üzərində aparılan əməliyyat zamanı onun beyninə induksiya edilmiş gövdə hüceyrələrindən əldə edilən əsəb hüceyrələri köçürülüb. Cərrah Takayuki Kikuiti tərəfindən aparılan üçsaatlıq əməliyyat ərzində xəstənin alın sümüyünün sol hissəsinə universitetdə yetişdirilən 2,4 milyon gövdə hüceyrəsi köçürülüb.
Məlumata görə, hazırda həkimlər tərəfindən xəstənin vəziyyətinə nəzarət davam etdirilir. Yaponiyada parkinsonizm diaqnozlu xəstələrin sayı 160 min təşkil edir.
Yaponiya alimi Sinya Yamanaka 2012-ci ildə gövdə hüceyrələrinin tədqiqi sahəsində tibb və fiziologiya üzrə Nobel mükafatına layiq görüldükdən sonra həm Yaponiya cəmiyyəti, həm də Yaponiya hökuməti tərəfindən bu mövzuya maraq artıb və nəticədə regenerativ tibb elmin inkişafının prioritet istiqamətlərindən biri elan olunub. “iPS” hüceyrələri müəyyən kimyəvi təsir nəticəsində istənilən tip hüceyrəyə çevrilə bilir ki, bu da nəzəri baxımdan müxtəlif orqanlar üçün toxumalar yetişdirməyə imkan verir. Bununla belə, bir sıra mütəxəssisin fikrincə, yetişdirilən toxumaların orqanizmə köçürülməsi bədxassəli şişlərin yaranmasına səbəb ola bilər.
Parkinson xəstəliyi yuxarı yaş qruplu insanlar üçün xarakterik olan zəif inkişaf edən xroniki nevroloji xəstəlikdir.
Realpress.az
Ümummilli lider Heydər Əliyevin anadan olmasının 99-cu ildönümünə həsr olunan “Sən elə bir zirvəsən” respublika ifa müsabiqəsi mayın 5-dək davam edəcək. Müsabiqə Təhsil Nazirliyinin dəstəyi, Gənclərin Respublika Bədii Yaradıcılıq Evinin təşkilatçılığı ilə nazirlik sistemində fəaliyyət göstərən peşə və orta ixtisas təhsili müəssisələrinin şagird və tələbələri arasında keçirilir.
Magistraturaya qəbul imtahanında ən yüksək nəticə toplanılması mümkün olan 100 baldan 98 olub. Qəbul imtahanındakı nəticələri müsabiqə şərtlərini ödəyən bakalavrlar ixtisaslaşma seçiminə buraxılırlar. Müsabiqə şərtləri müxtəlif ixtisas qruplarına uyğun olaraq 30, 40, 45, 50 baldır.
Bir nəfərdə mobil telefon aşkarlandığı üçün, bir nəfər isə köçürməyə cəhd etdiyi üçün imtahandan xaric olunub və nəticələri ləğv edilib. Bundan əlavə, sual kitabçasını özü ilə aparan 4 nəfərin nəticəsi araşdırılır.