Aqil M.Quliyev kiminlə evlənir? — MÜSAHİBƏ

Aqil M.Quliyev kiminlə evlənir? — MÜSAHİBƏ
26 Noy 2018 12:40

Tanınmış rejissor Aqil M.Quliyev "Xəzər" televiziyasında yayımlanan ""X" maqazin" verilişinə müsahibə verib.

Realpress.az həmin müsahibəni yazılı şəkildə təqdim edir.

- Bu səsdən bir də olacaq?

- Yəqin ki, olar. Şükür Allaha, bu saat on nəfər tanıyıram ki, bu səsi müxtəlif metodlarla ifraz edir (gülür). Mən onlara ad qoymuşam-"kitayski Aqillər".

- Ailə, ev, isti ocaq...Bunlar heç vaxt olmayacaq?

- Bir dönəm onu yaşamışam və yəqin ki, yenə yaşayacağam. Üzü ona doğru gedirəm. İnanmıram ki, biri digərini əvəz edə bilsin. Fikirləşirəm ki, ailəli insan olsam da, böyük bir kabinetim olacaq və orada istənilən vaxt sadəcə susum, heç kimlə ünsiyyətdə olmayım, öz aləmimdə olum. 

- Həyatınızı birləşdirəcək elə bir insan varmı?

- Tapmışam. İndiki məqamda hər ikimiz əminik ki, bu, belədir. Çünki o, çox gözəl başa düşür ki, mən kiməm.

- Aqil evlənməyə hazırdırmı?

- Təbii ki, canımda  bir az qorxu var. İnşallah, görək başımıza nə gəlir.

- İtirdiklərimiz bizi üzür...

- Atam da, qardaşım da mənim qollarımda keçinib. Təsadüf nəticəsində bir insan da gözümün önündə keçindi. İlk dəfə qorxunc gəlsə də, daha sonra sən bunun başqa tərəflərini yaşayırsan, ölümə başqa cür baxırsan.

- Pis əməllərə görə nəyisə qurban etdiniz?

- Bu həyatda nə pislik etmişəmsə, özümə etmişəm. Heç kimin cibinə girməmişəm, heç kimin qabağındakı çörəyi aparıb yeməmişəm, kiminsə gəlininə, yoldaşına göz qoymamışam. 

- Keçmişdə baş verənlərə görə şəxsi həyatınız alınmadı?

- Şəxsi həyatım xarakterimə görə zərər çəkib. İyirmi saatın hamısını insan görməyi sevmirəm, heç ona can atmıram da. Bəzən günlərlə heç kimlə ünsiyyətdə olmuram. Yalnız internet vasitəsilə ünsiyyət qururam. Bir ağzını, bir də qarnını başa düşən insan ən xoşbəxt insandır. Yedim, xoşbəxtəm, doğdum, xoşbəxtəm, o da doğdu, lap xoşbəxtəm (gülür). Bitdi, həyat qurtardı. Elə də xoşbəxt gülümsəyə-gülümsəyə gedir. Həmişə xeyir və şər olub və ola bilsin ki, həmişə şər qalib gəlib. Nağıllar ona görə yaranıb ki, həyatda o haqq-ədalət heç vaxt olmayıb və olmayacaq. Qaranlıq otaqda saxlasalar, buradan çıxanda dünyanın necə rəngarəng olduğunu yenidən hiss edə bilərsən. Heç vaxt nəyisə almaq, nələrsə qazanmaq arzum olmayıb. İmkan olub, almışam, imkan olmayıb, satmışam. Bunlar hamısı gəlib gedən şeylərdir. Biz bilə-bilə ki, bunlar hamısı yetmiş illik sənindir, yenə də yapışmışıq dünyanın malından, bunun ətrafında fəlsəfələr də qurmuşuq ki, mən həyat yaşayıram. Əslində, sən həyat yaşamırsan.



25 Fev 2024
Müsahibə

Kamaləddin Qafarov: “Xocalı soyqırımı bəşər tarixinin qanlı cinayətlərindən biridir”

“Azərbaycan Respublikasının Prezidenti İlham Əliyev 1992-ci ildə ermənilər tərəfindən törədilmiş Xocalı soyqırımı barədə demişdir: “Xocalı faciəsi erməni millətçilərinin yüzilliklər boyu türk və Azərbaycan xalqlarına qarşı apardığı soyqırımı və etnik təmizləmə siyasətinin qanlı səhifəsi idi”. Həqiqətən də XX əsrin sonunda törədilmiş bu qətliam sadəcə Azərbaycan xalqına deyil, əslində bütün bəşəriyyətə qarşı yönəlmiş ən ağır cinayətlərdən biridir.”

21 Fev 2022
Müsahibə

Slobodan Samarciya: “Serbiya ilə Azərbaycan əsl dostdur”

“Azərbaycan və Serbiyanın ümumi maraqları ilk növbədə ondan irəli gəlir ki, onlar öz tarixlərinin əhəmiyyətli hissəsini daha böyük dövlət ittifaqı çərçivəsində yaşamış iki müstəqil ölkədir: Azərbaycan SSRİ-nin tərkibində idi, Serbiya isə keçmiş Yuqoslaviya respublikalarından biri olub”.

14 Fev 2022
Müsahibə

Vidadi Əhmədov: "Turan Tovuz"a 100 adamdan biri kimi dəstək verə bilərəm"

Tovuzun "Turan” klubunun qurucusu və sabiq prezidenti Vidadi Əhmədovun "Realpress.az"a müsahibəsi

10 Fev 2022
Müsahibə

Maksim Şevçenko: “Minsk prosesi” yoxdur, onu unutmaq lazımdır - MÜSAHİBƏ

Rusiya prezidenti Vladimir Putinlə fransalı həmkarı Emmanuel Makron arasında son danışıqlardan sonra Fransa lideri Ermənistanda tənqid olunmağa başlayıb. Belə ki, erməni siyasi müşahidəçi Naira Ayrumyan qeyd edib ki, fevralın 4-də Azərbaycan Prezidenti İlham Əliyevin, Avropa İttifaqının sədri kimi Makronun özünün, Avropa Şurasının rəhbəri Şarl Mişel və Ermənistanın baş naziri Nikol Paşinyanın iştirakı ilə videokonfrans vasitəsilə keçirilən görüşdə Fransa rəhbəri ATƏT-in Minsk prosesi çərçivəsində Qarabağ üzrə danışıqların bərpasının zəruriliyindən bir kəlmə də danışmayıb.

9 Fev 2022
Müsahibə

Aleksandr Proxanov: “Gec-tez Ankara Rusiya ilə qarşıdurmaya gedə bilər” – MÜSAHİBƏ

Bu yaxınlarda Rusiya və Çin liderləri Vladimir Putin və Si Cinpin həm təhlükəsizlik təminatlarına, həm də xarici qüvvələrin suveren ölkələrin daxili işlərinə müdaxiləsinin yolverilməzliyinə aid birgə bəyanatı imzaladıqdan sonra məlum oldu ki, dünyada anti-Qərb strukturu qurulur.