İsrailli şair Pyotr Davıdov doğma şəhəri haqqında “Bakı səni gözləyir” kitabını dərc edib.
Realpress.az Stmegi.com portalına istinadla xəbər verir ki, bununla bağlı şair özü məlumat yayıb.
Onun sözlərinə görə, bu, tamamilə qeyri-adi poetik reportajdır. Burada şeirlər nəsrlə yazılmış xatirələrə çevrilir, müasir Bakıdan çəkilən fotolar isə qədim şəkillər və açıqcalara uyğun gəlir.
120 səhifəlik kitaba Bakı və bakılılar haqqında 85 şeir, müasir Bakının 95 fotosu daxil edilib. Kitabın təqdimatı yaxın günlərdə keçiriləcək.
Pyotr Davıdov Bakıda doğulub. Azərbaycan Dövlət Neft və Sənaye Universitetini bitirib, bir neçə il elektronika mühəndisi vəzifəsində çalışıb, jurnalistika sahəsində özünü sınayıb, daha sonra Rusiyaya, oradan isə İsrailə köçüb.
“Avroviziya 2024” mahnı müsabiqəsində ölkəmizi təmsil edəcək iştirakçının seçimləri başlayıb.
Heydər Əliyev Fondunun və IDEA (Ətraf Mühitin Mühafizəsi üzrə Beynəlxalq Dialoq) İctimai Birliyinin təşəbbüsü, Birləşmiş Millətlər Təşkilatının (BMT) Cenevrə şəhərindəki bölməsi və Azərbaycanın BMT-nin Cenevrə şəhərindəki bölməsi yanında daimi nümayəndəliyinin dəstəyi ilə təşkil edilən “Mənim dənizlərim, mənim okeanlarım” (My Seas, My Oceans) sərgisinin açılışı olub.
Azərbaycan Kinematoqrafçılar İttifaqı (AKİ) kinoşünaslar və kinoyazarlar üçün yeni sayt təsis edib.
