Nəqliyyat, Rabitə və Yüksək Texnologiyalar Nazirliyi “Bakı Telefon Rabitəsi” MMC “Bakutel-2018” sərgisində paytaxtın telekommunikasiya infrastrukturundakı ən son yeniliklərini təqdim edir.
Realpress.az xəbər verir ki, sərgi ziyarətçiləri “Baktelecom” tərəfindən əlavə avadanlıq olmadan GPON (Gigabit Passive Optical Network) texnologiyası əsasında göstərilən bir xətlə üç xidmət haqqında geniş məlumat əldə edə bilərlər.
“Evədək optika” layihəsi çərçivəsində tətbiq olunan texnologiya telefon, internet və İPTV xidmətlərinin optik xətt üzərindən rahat qoşulmasını təmin edir. Artıq “Baktelecom” daha çox müştəriyə xidmət göstərilməsi üçün Finlandiyanın rabitə texnologiyaları sahəsində bu günlərdə dünya miqyaslı “Nokia” şirkəti ilə müqavilə imzalayıb. İlkin mərhələdə 400 min avadanlığın alınması ilə bağlı əməkdaşlıq qurulub.
Qeyd edək ki, “Evədək optika” layihəsi çərçivəsində Bakı şəhəri üzrə 40 min mənzildə xidmət göstərilməsi üçün infrastruktur yaradılıb. Növbəti il bu rəqəmin 100 minə qədər artırılacağı gözlənilir.
Eyni zamanda, sərgi iştirakçılarına paytaxtın telekommunikasiya infrastrukturu məhdud ərazilərində tətbiq edilən LTE (Long Term Evolution) texnologiyasının üstünlükləri və simsiz şəbəkənin əhatə dairəsi haqqında geniş məlumat təqdim olunacaq.
Bu ilin mart ayından etibarən Abşeron yarımadasının bütün kəndlərində, eləcə də, Bakının bəzi ərazilərində sakinlər simsiz rabitə xidmətinə qoşularaq multimedia xidmətləri ilə təmin olunublar. Hazırda 15 min sakinin telekommunikasiya xidmətlərinə qoşulması üçün infrastruktur yaradılıb.
Layihə 2019-cu ildə də davam etdirilərək simsiz şəbəkənin əhatə dairəsi genişləndiriləcək. Belə ki, növbəti il 30 minlik infrastruktur əhalinin istifadəsinə təqdim olunacaq.
| Simsiz internet | Sürət | Aylıq ödəniş, AZN |
| Start | 2 Mbit/s-ə qədər | 10 |
| Komfort | 5 Mbit/s-ə qədər | 15 |
| Optima | 10 Mbit/s-ə qədər | 25 |
| Simsiz telefon xidməti | 2.5 | Simsiz telefon xidməti |
| Xidmət | Qoşulma haqqı, AZN | Xidmət |
| Simsiz telefon xidməti | 30 | Simsiz telefon xidməti |
| Simsiz internet xidməti | Pulsuz | Simsiz internet xidməti |
“Baktelecom”un evlər və korporativ müəssisələr üçün “Ayrılmış İnternet Kanalı” (AİK) xidməti də sərgidə yer alır. Fiber-optik xətlər üzərindən təmin edilən AİK xidməti ilə videomüşahidə, İP telefoniya, İPTV xidmətlərindən rahat istifadə imkanı, eləcə də, şirkətin fərdi və korporativ müştərilər üçün nəzərdə tutulan xidmətlər paketi güzəştli tarifləri təklif edir.
İqtisadiyyat naziri Mikayıl Cabbarov Yurgen Riqterink ilə görüşüb.
Rusiyanın Primorye diyarının Lesozavodsk şəhərində buzlu yağış səbəbindən fövqəladə vəziyyət elan edilib.
“Azərbaycanda vergi güzəştlərinin hazırlanması metodologiyası üzərində iş gedir”.
Dünyada hərbi münaqişələrin geniş vüsət alması şəraitində dünya iqtisadiyyatında gərginlik və risklər artmaqda davam edir, bunu nəzərə alaraq bu gün müzakirəyə çıxarılan 2024-cü ilin Azərbaycanın dövlət büdcəsi layihəsi mürəkkəb qlobal şəraitə təsadüf edir.
