Malayziyanın “Petronas” şirkəti Bakı Ali Neft Məktəbi (BANM) üçün təqaüd ayırıb.
BANM-dən AZƏRTAC-a bildirilib ki, təqaüdün ayrılması neft-qaz sektorunda dünyanın aparıcı şirkətinin “Petronas Təhsil Sponsorluq Proqramı” çərçivəsində reallaşıb. “Bu günün öyrənənləri, sabahın liderləri” şüarı altında həyata keçirilən proqram “Petronas” şirkətinin imtahan və xüsusi müsabiqələrdə uğur qazanan tələbələrə Malayziyada təhsil almaq şansı verir. Proqram çərçivəsində xüsusi seçilmiş tələbələr Malayziyada Petronas Texniki Universitetində təhsil alacaqlar.
Artıq BANM-in ikinci kurs tələbələri Əli Yusifov və Elnur Şahbalayev şirkət tərəfindən seçilərək təhsil almaq üçün Malayziyaya yola düşüblər. Şirkət tələbələrin təhsil haqqı, yataqxana xərclərini ödəyəcək və hər ay təqaüdlə təmin edəcək.
Ümummilli lider Heydər Əliyevin anadan olmasının 99-cu ildönümünə həsr olunan “Sən elə bir zirvəsən” respublika ifa müsabiqəsi mayın 5-dək davam edəcək. Müsabiqə Təhsil Nazirliyinin dəstəyi, Gənclərin Respublika Bədii Yaradıcılıq Evinin təşkilatçılığı ilə nazirlik sistemində fəaliyyət göstərən peşə və orta ixtisas təhsili müəssisələrinin şagird və tələbələri arasında keçirilir.
Magistraturaya qəbul imtahanında ən yüksək nəticə toplanılması mümkün olan 100 baldan 98 olub. Qəbul imtahanındakı nəticələri müsabiqə şərtlərini ödəyən bakalavrlar ixtisaslaşma seçiminə buraxılırlar. Müsabiqə şərtləri müxtəlif ixtisas qruplarına uyğun olaraq 30, 40, 45, 50 baldır.
Bir nəfərdə mobil telefon aşkarlandığı üçün, bir nəfər isə köçürməyə cəhd etdiyi üçün imtahandan xaric olunub və nəticələri ləğv edilib. Bundan əlavə, sual kitabçasını özü ilə aparan 4 nəfərin nəticəsi araşdırılır.