Paytaxtın Suraxanı rayonunda gənclər arasında qız üstündə qan düşüb.
Realpress.az AzNews.az-a istinadən xəbər verir ki, hadisə rayonun Qaraçuxur qəsəbəsində baş verib.
Qəsəbə sakini, 2000-ci il təvəllüdlü Üzeyir Rzayev həmyerlisi 2004-cü il təvəllüdlü Uğur Hüseynxanlını bıçaqlayıb. Yaralı dərhal yaxınlıqda yerləşən 3 saylı Sabunçu şəhər Xəstəxanasına çatdırılıb. Əməliyyata götürülən azyaşlının vəziyyəti orta-ağırdır.
Hadisəni törədən Ü.Rzayev 32-ci Polis Bölməsinin əməkdaşları tərəfindən saxlanılaraq istintaqa təhvil verilib.
İlkin istintaq hərəkətləri zamanı məlum olub ki, cavanlar arasında mübahisə qız üstündə düşüb. Belə ki, bıçaqlanan Uğur, Üzeyirin sevdiyi qıza mesaj yazıb. Bundan xəbər tutan Rzayev isə dərhal haqq-hesab çürütmək qərarına gəlib və Uğuru görüşə çağırıb. Görüş zamanı isə özü ilə gətirdiyi bıçaqla 14 yaşlı gəncə bir neçə zərbə endirib.
Faktla bağlı Suraxanı RPİ-nin İstintaq Şöbəsində Cinayət Məcəlləsinin xuliqanlıq maddəsi ilə cinayət işi başlanıb.
Daxili İşlər Nazirliyinin (DİN) Su Nəqliyyatında Polis İdarəsinin əməkdaşları tərəfindən qanunsuz olaraq əllərdə saxlanılan odlu silah-sursatların aşkar edilməsi istiqamətində əməliyyat həyata keçirilib.
Bəzi media və sosial şəbəkə səhifələrində “Əsr Travel” MMC-nin təsisçisi və direktoru işləyən Əsgər Bayramovun Yasamal rayon məhkəməsinin qərarı ilə barəsində seçilmiş həbs qətimkan tədbiri qərarının ləğv edilərək məhkəmə iclas zalında azad edilməsi ilə bağlı informasiyalar yayılıb.
Həftəsonu Azərbaycanda baş verən yol-nəqliyyat hadisələri nəticəsində ölənlərin sayı açıqlanıb.