Dekabrın 15-də Bakı Kitab Mərkəzində “Rammstein” qrupunun solisti, əfsanəvi rok musiqiçi Till Lindemann ilə görüş keçiriləcək.
Realpress.az-ın məlumatına görə, görüş saat 18:00-da başlayacaq.
Görüşdə Till Lindemann eksklüziv avtoqraf sessiya keçirəcək. Qonaqlar onun imzası ilə “Sakit bir gecə. Lirika” şeirlər toplusunu almaq fürsətini qazanacaqlar.
Bu kitab artıq danılmaz bestseller kitablar sırasına daxil olub. Kitabda şeirlərin mətnləri alman və rus dillərində də təqdim olunur. Kitabdakı füsunkar illüstrasiyaların müəllifi - Till Lindemannın dostu, rəssam Mattias Mattisdir.
Tədbirdə iştirak üçün əsas şərt “Sakit bir gecə. Lirika” kitabının Bakı Kitab Mərkəzində əldə edilməsidir. Kitabı bu gündən etibarən Bakı Kitab Mərkəzində almaq olar. Yerlər məhdud olduğuna görə bir kitab bir nəfər üçün giriş bileti hesab olunur. Kitabın qiyməti 25 manatdır.
Məşhur müğənninin konserti təxirə salınıb.
Türkiyənin məşhur müğənnisi Mustafa Sandal Bakıya gəlib.
Türkiyənin məşhur müğənnisi və bəstəkarı Mustafa Sandal Bakıda konsert proqramı ilə çıxış edəcək.
