LG” şirkəti “Gram” istehsal xəttinə aid noutbuklar nümayiş etdirib. Nazik çərçivəli və 17 düym ekranlı “Gram 17” modeli dünyada belə diaqonala malik ən yüngül noutbukdur.
“ICTnews” Elektron Xəbər Xidməti “4PDA” resursuna istinadən yazır ki, ikinci yeni qurğu ekranı 360 dərəcə dönən 14 düymlük “LG Gram 2-in-1” modelidir. Hər iki kompüter səkkizinci nəsil “Intel” prosessorları əsasında yaradılıb və “MIL-STD-810g” hərbi standartı ilə sertifikatlaşdırılıb.
Məlumata görə, ölçülərdə fərqə baxmayaraq yeni noutbuklar eyni tutuma (72 vatt-saat) malik akkumulyatorla təchiz ediliblər. Lakin “Gram 17” modeli üçün avtonom iş vaxtı 19,5 saat, “Gram 2-in-1” üçün 21 saat təşkil edir. Bundan başqa, modellər rəqəmli blok və işıqlandırmaya malik tamölçülü klaviatura, “Windows Hello” funksiyası vasitəsilə tez blokdan çıxarılma üçün barmaq izi skaneri və geniş “USB” çıxış dəstləri ilə təchiz olunub.
Noutbukların rəsmi təqdimatı yanvarın əvvəlində “CES 2019” sərgisində planlaşdırılır.
Realpress.az
Günəşdəki güclü partlayışlar Yerdə gözlənilməz maqnit qasırğasına səbəb olub.
Avstraliya və Çilidən olan bir qrup elm adamı Çilidəki Atakama səhrasında teleskopların köməyilə apardıqları müşahidələr nəticəsində "J0529-4351" adlı son dərəcə parlaq və kütləvi kvazar ( Kvazi ulduzlar və ya kvazarlar-müşahidə olunan kainatın ən parlaq obyektləridir ) haqqında təəccüblü təfərrüat aşkarlayıblar.
Günəşdə ən yüksək “X” sinfinə aid partlayış baş verib.