“Opera” şirkəti desentralizasiya edilmiş şəbəkələrdə kriptovalyutalarla iş üçün nəzərdə tutulan ilk mobil blokçeyn brauzerini təqdim edib. Təqdimat bu günlərdə Londonda keçirilən “Hard Fork Decentralized” konfransı çərçivəsində baş tutub.
“ICTnews” Elektron Xəbər Xidməti “Planet Today” resursuna istinadən yazır ki, yeni “Opera” mobil brauzerin əsas fərqli cəhətləri sırasında kriptovalyutalar üçün quraşdırılmış pul kisəsi, eləcə də desentralizasiya ilə əlaqədar “Web 3.0” standartının dəstəklənməsi qeyd olunur.
“Android” əməliyyat sistemi ailələri üçün “Opera” mobil brauzeri “ağıllı” kontraktlar yaratmağa və tranzaksiyalar həyata keçirməyə imkan verən “Ethereum” protokolunu dəstəkləyir. Tərtibatçılar desentralizasiya edilmiş həllərə əsaslanan əlavələr (Dapps) yaratmaq imkanı əldə ediblər. Ümid edirik ki, brauzerin buraxılışı “Web 3.0” texnologiyasının tətbiqini sürətləndirəcək və interneti həqiqətən desentralizasiya olunmuş edəcək”, – “Opera Crypto” layihəsinin rəhbəri Çarlz Hemel bildirib.
Məlumata görə, “Web 3.0” texnologiyasından yararlanmaq üçün yeni “Opera” brauzerinin istifadəçilərindən müəyyən məbləğdə “Ethereum” kriptovalyutası alaraq onu mobil əlavəyə quraşdırılan pul kisəsində saxlamaq tələb olunur. Bu halda “Dapps” ilə əlaqədar funksiyalar birbaşa pul kisəsi interfeysində görünməyə başlayacaq.
“Opera” şirkəti 2019-cu ildə “Web 3.0” texnologiyasının dəstəklənməsini brauzerin “Microsoft Windows”, “Apple Mac” və “Linux” platformalı fərdi kompüterlər üçün nəzərdə tutulan versiyasına tətbiqini planlaşdırır.
Realpress.az
Vatsapın rusiyalı istifadəçiləri messencerin iş keyfiyyətindən şikayətlənirlər.
Rusiya Baş Prokurorluğu Rabitə, İnformasiya Texnologiyaları və Kütləvi Kommunikasiyalara Nəzarət üzrə Federal Xidmətindən “Instagram”a məhdudiyyət qoyulmasını tələb edib.
Notbuk seçərkən çoxsaylı modellər arasında başını itirə bilərsən. Bu halda “Apple” brendi işimizi xeyli asanlaşdırır. Belə ki, bu şirkət kəmiyyətə deyil, keyfiyyətə üstünlük verir, buna görə də onun notbukları lakonikliyi və rahatlığı ilə seçilir.
