Metronun “Bakmil” stansiyasında təmir-tikinti işlərinin artıq son mərhələsi görülür. Sərnişinləri möhtəşəm yeniliklər gözləyir.
Bu sözləri Realpress.az-a açıqlamasında “Bakı Metropoliteni” QSC-nin mətbuat xidmətinin rəhbəri Bəxtiyar Məmmədov deyib.
O bildirib ki, stansiyada platforma üzərində xüsusi çətirlər quraşdırılıb:
“Bu çətirlər platformada dayanan sərnişinləri yağışlı havadan qoruyacaq. Eyni zamanda çətir kəskin hava şəraitlərində platformanın ətrafında yerləşən stansiya avadanlıqlarının qorunması və sıradan çıxmasının qarşısını alacaq.
Daha bir yenilik isə sərnişinlərin əvvəlki kimi birinci mərtəbədən yox ikinci mərtəbədən qəbul edilmələri ilə bağlıdır. “Bakmil” stansiyası təmirdən sonra yeniliklərlə sərnişinlərin istifadəsinə veriləcək. Təbii ki, görülən işlər 40 ildir fəaliyyət göstərən stansiyanın memarlıq orijinalının qorunub saxlanması ilə həyata keçiriləcək. Sadəcə olaraq stansiyanın infrastrukturu tamamilə dəyişiləcək. Stansiyanın istifadəyə verilmə tarixi isə yaxın günlərdə açıqlanacaq”.
Rəqəmsal İnkişaf və Nəqliyyat Nazirliyinin tabeliyindəki Azərbaycan Yerüstü Nəqliyyat Agentliyinin (AYNA) işğaldan azad olunmuş ərazilərə təşkil etdiyi müntəzəm avtobus reyslərinə may ayı üçün biletlər 26 aprel 2024-cü il saat 11:00-da satışa çıxarılacaq.
Malıbəylidə ən azı altı nəfərə aid olduğu ehtimal edilən sümük fraqmentləri aşkar edilib.
Dövlət İmtahan Mərkəzinin aprelin 28-də ali təhsil müəssisələrinin magistraturalarına keçirəcəyi qəbul imtahanında (II cəhd) 19716 bakalavr iştirak edəcək.