Tayvanın “HTC” şirkəti “Desire” smartfon xəttinə “Desire 12s” modelini əlavə edib.
“ICTnews” Elektron Xəbər Xidməti “dailycomm.ru” saytına istinadən yazır ki, aparat 1440x720 piksel təsvir ölçüsünə malik və tərəflər nisbəti 18:9 olan 5,7 düymlük IPS ekran, 1,4 QHs-dək takt tezliyində işləyən 8 hesablama nüvəsinə malik “Qualcomm Snapdragon 435” prosessoru və “Adreno 505” qrafik bloku ilə təchiz edilib.
Versiyadan asılı olaraq əməli və daxili yaddaşın tutumu müvafiq olaraq 3/4 və 32/64 qiqabayt təşkil edir. “MicroSD” formatlı daşıyıcıların qoşulması dəstəklənir.
Əsas kameranın təsvir ölçüsü 13 meqapikseldir, LED işıqlandırıcıya, faza avtofokusuna və f/2.2 diafraqmasına malikdir. Ön kameranın təsvir ölçüsü, həmçinin 13 meqapikseldir (f/2.4).
Həmçinin smartfon barmaq izləri skaneri, “4G LTE”, “Wi-Fi 802.11 a/b/g/n”, “Bluetooth 4.2”, “GPS”, “QLONASS” və “NFC” simsiz kommunikasiya texnologiyalarına malikdir, akkumulyator batareyasının tutumu isə 3075 milliamper/saat təşkil edir. Aparat “HTC Sense UI” interfeysli “Android 8.1 Oreo” əməliyyat sisteminin idarəetməsi altında işləyir.
“HTC Desire 12s” smartfonu qara, gümüşü və qırmızı rəngli korpuslarda satılacaq.
Realpress.az
Vatsapın rusiyalı istifadəçiləri messencerin iş keyfiyyətindən şikayətlənirlər.
Rusiya Baş Prokurorluğu Rabitə, İnformasiya Texnologiyaları və Kütləvi Kommunikasiyalara Nəzarət üzrə Federal Xidmətindən “Instagram”a məhdudiyyət qoyulmasını tələb edib.
Notbuk seçərkən çoxsaylı modellər arasında başını itirə bilərsən. Bu halda “Apple” brendi işimizi xeyli asanlaşdırır. Belə ki, bu şirkət kəmiyyətə deyil, keyfiyyətə üstünlük verir, buna görə də onun notbukları lakonikliyi və rahatlığı ilə seçilir.
