Fevralın 4-də görkəmli bəstəkar, Dövlət mükafatı laureatı, Xalq artisti Qara Qarayevin xatirəsi yad olunacaq.
AZƏRTAC xəbər verir ki, Musiqi Mədəniyyəti Muzeyinin təşkilatçılığı ilə reallaşacaq tədbir sənətkarın adını daşıyan muzeydə gerçəkləşəcək.
Tədbir çərçivəsində sənətkarın həyat və yaradıcılığından ibarət fotosərgi açılacaq, musiqi mədəniyyətimizin inkişafındakı xidmətlərindən bəhs olunacaq. Tədbir bəstəkarın əsərlərindən ibarət konsert proqramı ilə davam edəcək.
Qeyd edək ki, 1918-ci il fevralın 5-də Bakıda dünyaya gələn dünya şöhrətli bəstəkarın əsərləri keçmiş SSRİ respublikalarında, ABŞ, Polşa, Misir, İspaniya, İtaliya, Fransa, Yaponiya və Almaniyada keçirilən möhtəşəm musiqi tədbirlərində müvəffəqiyyətlə səsləndirilib. Onun Nizami Gəncəvinin “Yeddi gözəl” poemasından bəhrələnərək yaratdığı “Yeddi gözəl” və Cənubi Afrika yazıçısı Piter Abrahamsın romanı əsasında yazdığı “İldırımlı yollarla” baletləri dünyanın bir sıra ölkələrində uğurla nümayiş olunmaqdadır.
Realpress.az
“Avroviziya 2024” mahnı müsabiqəsində ölkəmizi təmsil edəcək iştirakçının seçimləri başlayıb.
Heydər Əliyev Fondunun və IDEA (Ətraf Mühitin Mühafizəsi üzrə Beynəlxalq Dialoq) İctimai Birliyinin təşəbbüsü, Birləşmiş Millətlər Təşkilatının (BMT) Cenevrə şəhərindəki bölməsi və Azərbaycanın BMT-nin Cenevrə şəhərindəki bölməsi yanında daimi nümayəndəliyinin dəstəyi ilə təşkil edilən “Mənim dənizlərim, mənim okeanlarım” (My Seas, My Oceans) sərgisinin açılışı olub.
Azərbaycan Kinematoqrafçılar İttifaqı (AKİ) kinoşünaslar və kinoyazarlar üçün yeni sayt təsis edib.
