Vitiliqo xəstəliyi dünyada geniş yayılmış xəstəliklərdəndir.
İmmun sisteminin öz özünə hücumu ilə əmələ gələn, dəri piqmentlərinin itirilməsi ilə müşahidə olunan vitiliqo, el arasında "ala xəstəliyi" üçün tibb elmi illərlə dəyişik müalicə metodları icad etməyinə baxmayaraq yaranma səbəbi məlum deyildi və buna görə də müalicəsi tapılmırdı.
Son illərin araşdırmalarında tapılan kəşflər bu xəstəliyin müalicəsində fərqli və çox müsbət nəticələrə gətirib çıxartdı.
Dermatoloq Dr. Azər Şamilov vitiliqo xəstəliyi haqqında bildirib: "Vitiliqo neçə illər ancaq dəri xəstəliyi kimi tanınıb və müalicəsi də buna uyğun aparılıb. Ancaq dəriyə fokuslanaraq lokallaşdırılmış müalicələrin həyata keçirilməsi, kremlərdən istifadə və şüa müalicələrinin tətbiqi xəstəliyin müalicəsində müvəqqəti həll yolu olmuş, xəstəlik sonradan təkrarlanıb və hətta pisləşdiyi hallar da olub.
Ancaq son illərdə xəstəliyin əsl səbəbi ortaya çıxıb. Vitiliqo autoimmun yəni əsasında immun sistemi olan bir xəstəlik kimi təsdiqlənib. Bununla da vitiliqo xəstəliyinin müalicəsində yeni ümidlər yaranıb".
Dr. Azər Şamilov vitiliqo haqqında gərəkənləri belə sıraladı:
- Vitiliqo sadəcə dəri xəstəliyi deyil.
- Vitiliqo özündə başqa xəstəlik və ya risk faktorlarını daşıyır.
- Vitiliqo ilə bərabər vitamin əskikliyi araşdırılmalıdır.
- Vitiliqo immun sistemi ilə bağlı bir xəstəlik olub, immun sisteminin zəiflənməsinə səbəb olur. İmmun sistemi gücləndikdə, xəstəlik tamam yox ola bilər və ya məhdud sayda qala bilər.
- Vitiliqoda mütləq tiroid vəzi xəstəlikləri araşdırmalıdır. Endokrinoloq müayinəsi şərtdir.
- Vitiliqoda qida dəyəri mütləq araşdırmalı və xəstəyə özəl pəhriz təyin olunmalıdır.
- Vitiliqoda mədədə "Helikobakter Pylori" mütləq araşdırılmalıdır.
- Vitiliqoda insulin dirənci, şəkərə meyillilik və şəkər xəstəliyi araşdırılmalı və tapılarsa müalicə edilməlidir.
- Vitiliqo xəstəsinin xərçəngə, xüsusilə tiroid və kolon xərçənginə yoluxma riski digər insanlara görə daha yüksəkdir.
- Vitiliqo xəstəsinin "Rematoid Artrit", "Behçet", "Ankilozan Spondilit" , "Lupus", "Hashimoto", "Sifilis" kimi xəstəliklərlə yanaşı yaranma riski yüksəkdir.
- Vitiliqoda bağırsaq problemlərindən "Kandida", "Klostridium", "Disbiozis" olması araşdırılmalı və tapılarsa müalicə edilməlidir.
Dermatoloq bildirib ki, "Vitiliqonun tək təsirli və daimi müalicəsi immunoterapiya, yəni immun sistemi düzəltmək müalicəsidir. Bu müalicə eyni zamanda digər risk faktorlarını da hər insana individual olaraq ortadan qaldıracaq. İmmunoterapiya ilə sistemli müalicə təmin edilir, yəni immun sistemində olan bütün problemlər tapılır, həll olunur, təsirli və daimi müalicə ilə təmin edilir".
Realpress.az
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.
