Selik burunda ifraz olunan və müdafiə funksiyası yerinə yetirən yapışqan maddədir. Seliyin əsas funksiyası burun boşluğuna düşən tozu, allergenləri tutaraq saxlamasıdır. Amma lor orqanlarının iltihablaşması nəticəsində həddən artıq selik ifraz olunmağa başlanır ki, bu da öskürəyə və rinitə səbəb olur.
Təbii vasitələrlə nazal iltihabı aradan aradan qaldırmaq mümkündür.
Realpress.az medicina.az-a istinadən həmin vasitələri və onların faydalarını açıqlayır:
1. Sarıkök
Sarıkökün tərkibində olan kurkumin maddəsi bakteriyaları məhv edərək seliyi təmizləyir və immuniteti artırır.
1 çay qaşığı sarıkökü, yarım çay qaşığı duzu 1 stəkan isti suya tökün və yaxşıca qarışdırın. Gündə 3 dəfə bu qarışımla boğazınızı qarqara etsəniz sinə bəlğəmindən və boğaz infeksiyasından qurtula bilərsiniz.
2. Bal və limon
Bal və limon qarışığı güclü bakteriyaəleyhinə və göbələkəleyhinə xüsusiyyətə malikdir. Bu məhsullar immun sistemi gücləndirir və iltihabın qarşısını alır.
1 x/q təbii balı 2 x/q limon şirəsi ilə qarışdırın və gündə 3 dəfə yeməkdən sonra qəbul edin.
3. Duzlu su
Boğaz ağrısını azaltmaq və bəlğəmi aradan qaldırmaq üçün gün ərzində 2 dəfə isti duzlu sudan istifadə edin.
1 fincan təmiz suya yarım çay qaşığı duz əlavə edərək qarışdırın.
Qarışımı udmadan qarqara edin.
4. Buxarla nəfəs almaq
Buxarla nəfəs almaq ciyərlərdə olan bəlğəmi yumşaldır və onun xaric olmasına şərait yaradır.
Kiçik bir qazanda qaynayan suya yarım çay qaşığı cirə və rozmarin əlavə edərək qazı söndürün. Başınızı dəsmalla örtərək buxarla nəfəs alın. Bunu gündə bir neçə dəfə tətbiq edin.
Həmçinin gündə 2 dəfə isti vanna qəbul etməlisiniz. Effekti artırmaq üçün suya müxtəlif bitkilərin efir yağlarını əlavə edə bilərsiniz.
5. Zəncəfil
Zəncəfil güclü bəlğəmgətirici hesab edilir. Buna görə də gün boyunca zəncəfil çayı içə və həmçinin kökünü yeyə bilərsiniz.
Çayı hazırlamaq üçün qazana 6 dilim zəncəfil və 1 ç/q istiot əlavə edib 5 dəqiqə orta odda qaynadın. Soyuduqdan sonra 1 ç/q bal əlavə edin.
Gün boyu bu çayı içərək bəlğəmdən tez bir zamanda azad olmaqla yanaşı, həm də immunitetinizi də artırmış olacaqsınız.
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.
