Xəbər verdiyimiz kimi, birinci vitse-prezident, Heydər Əliyev Fondunun prezidenti Mehriban Əliyeva Bərdə rayonunda azyaşlı oğlu ilə birgə çətin şəraitdə yaşayan Nazilə Musayevanın müalicəsi üçün müvafiq tapşırıq verib. Hepatit B və onkoloji xəstəliklərdən əziyyət çəkən kimsəsiz qadın Bakıda xəstəxanaya yerləşdirilib. Əməliyyatı və gələcək müalicəsi ilə bağlı bütün xərclər Heydər Əliyev Fondu tərəfindən təmin olunacaq.
Bəs Nazilə Musayeva kimdir?
realpress.az xəbər verir ki, N. Musayevanın 39 yaşı var. Valideynləri uşaq vaxtı onu internat evinə qoyub. Körpə olanda onu İmişlinin Nurulu kəndindən olan bir ailə övladlığa götürüb. Naziləni götürəndən sonra onun sol gözünün anadangəlmə görmədiyini biliblər. Buna görə onu övlad kimi qəbul edə bilməyiblər.
“Ögey ata-anam mənə heç vaxt paltar almırdı, məktəbə göndərmirdilər. Nökər kimi istifadə edirdil’r. Tövlə təmizlətdirir, iş gördürürdülər, həyət süpürüb, mal-heyvanı otarırdım. Bir sözlə, ən ağır işləri mən görürdüm. Vaxtım qalanda isə gedib qonşuların işlərinə kömək edirdim. Ancaq yenə döyülürdüm, yarına bilmirdim, söyülürdüm, təhqir olunurdum. Elə olurdu ki, günlərlə yemək vermir, tövləyə həbs edirdilər. Beləcə yarıac-yarıtox böyüdüm”, - deyir Nazilə Musayeva.
Nazilə sonradan 300 manat müqabilində Ucardan olan ailəli bir kişiyə satılıb. Əri ilə Bakıya köçən qadın süpürgəçilik edib, yeməkxanalarda qab yuyub.
Övladı olduqdan sonra əri onları Bərdəyə gətirib və yol qırağında ataraq gedib. Ana-bala günlərlə parklarda, skamyalarda yatıb. 1 ildən çox ayda 123 manatlıq maaş qarşılığında Bərdə küçələrini süpürüb, ev tutmağa pulu olmadığından övladı ilə elə küçələrdə yatıb. Buna görə də uşaqlığında xərçəng yaranıb. Eyni zamanda, qanında da “Hepatit C” tapılıb.
N. Musayeva vəziyyəti ilə bağlı Heydər Əliyev Fonduna, vitse-prezident Mehriban Əliyevaya məktub ünvanlayıb. Fonddan onun məktubuna müsbət cavab verilib.
Türkiyənin kosmosa səyahət edən ilk astronavtı Alper Gezeravcının Azərbaycana səfəri təşkil olunacaq.
Azərbaycan Prezidenti İlham Əliyev işğaldan azad edilmiş ərazilərin bərpasında göstərdiyi dəstəyə görə Qırğızıstana təşəkkür edib.
“Azərbaycanla Qırğızıstan arasında ticarət dövriyyəsinin artması tendensiyası mövcuddur”.
“Azərbaycan-Qırğızıstan İnkişaf Fondunun Nizamnamə fondu dörd dəfə - 100 milyon dollaradək artıb”.
Aprelin 24-də Azərbaycan Respublikasının Prezidenti İlham Əliyevin və Qırğız Respublikasının Prezidenti Sadır Japarovun iştirakı ilə Azərbaycan və Qırğızıstan Dövlətlərarası Şurasının 2-ci iclası keçirilib.
