Faiq sənətkardırsa, onda sənətkarlar kimdir?- Flora Kərimova

Faiq sənətkardırsa, onda sənətkarlar kimdir?- Flora Kərimova
15 Fev 2019 17:11

Xalq artisti Faiq Ağayev "Əyrixətt" adlı "Youtube" layihəsinin qonağı olub və orda Xalq artisti Flora Kərimova haqda ittihamlar səsləndirib.

Səsləndirilən ittihamlar iki xalq artisti arasında neçə illərdir davam edən qalmaqalı yenidən alovlandırıb.

Realpress.az xəbər verir ki, bizimyol.info səsləndirilən ittihamlarla bağlı xalq artisti Flora Kərimovaya müraciət edib. Flora Kərimova sərt açıqlamalarla Faiq Ağayevə cavab verib.

"Mənim əlimdə məhkəmə qərarı var. Onun danışmağa hələ üzü də var. Faiq Ağayevin özünü sənətkar adlandırması gülüncdür. Faiq sənətkardırsa, onda sənətkarlar kimdir. Hansı populizmlə məni günahlandıra bilər? Sənətimin populizmi, namusumun populizmi, evimdə olan ab-hava populizmi, vətəndaşlığımın populizmi ilə məni günahlandıra bilər..."

"O tankın qabağında durub? O müharibə rayonlarını gəzib? O Ağdarədə olub? Mənim qədər vətən üçün, millət üçün oxuyan və edən bir sənət adamının yerinə özünü görür. Ya da məni pisləməklə, mənə böhtan atmaqla özünə Milli Məclisə yol açır, deputat kimi görür. Bu xam xəyallarla özünü aldatmaq, ancaq ağılsız adamlara xasdır. Bununla sən kim olduğunu təsdiq etdin."

Daha sonra sənətkar Faiq Ağayevin onu yaşlı olması ilə günahlandırmasına və yaşına görə xalqın guya ona inanmasına da münasibət bildirib.

"Birinci mənim 70 yox, 78 yaşım var. İkincisi xalq mənə bütöv sözümə görə, həyat tərzimə görə, bu millətə, vətənə yanqıma görə inanırlar. Mən həyatımı Faiq Ağayev kimi yaşamamışam. Kimdir Faiq Ağayev? Faiq Ağayevin fiziologiyasının möhürü bir özündədi, bir elədikləri məşuqlarındadı? Elədiyi porno kasetlərdədi, onun keçmiş xanımının dilindən açıqlanan biabırçı xasiyyətnaməsindədi, bir də mənim əlimdə olan Səbail rayon məhkəməsinin çıxardığı qərarda. O bu qərarı imzalamaqdan aylarla qaçırdı. Onu polislə tapıb imzalatdırdılar. Mənə kimləri göndərdi ki, mən heç olmasa onunla sülh sazişi bağlayım. Elə yalvara -yalvara da durdu. İndi nə donquldanır orda. Millətin hafizəsi ilə zarafat edir. Faiq Ağayev bel şeyləri xatırlasın və sussun. Adətən aşıqların sözü qurtaranda dalay-dalay deyirlər. Ancaq səsi olmayan Faiqin bu biabırçılıqdan necə çıxmağa dalayı-dalayı da yoxdur."

Qeyd edək ki, F. Ağayev xalq artisti Flora Kərimova haqda bunları deyib.

"Bu köhnə üsuldur. Aşığın sözü qurtaradan "dalay-dalay" deyir. Flora Kərimova kimi yüksək bir sənət peşəkarı mənim sənətimə irad tuta bilərdi. Sənətdən heç nə tapmadı, qaşıma söz atdı. Flora Kərimova endirilmiş sosial məsuliyyəti olan bir qadındır. O, sırf populizmlə məşğuldur. Deyirlər ki, kişi ağlamaz. Niyə? Kişi böyük faciədən təsirlənib ağlaya bilər. Və yaxud "qızını döyməyən dizini döyər " kimi heyvani hisslərin üzərindən qurulmuş ittihamlar həmişə əlacsızlıqdan irəli gəlib. Savadı olmayan, öz daxili dünyasını çərçivədən çıxarmayanlara belə ittihamlar lazımdır. Sən rəqibini vura bilmirsənsə, bu üsula əl atacaqsan. Flora Kərimovanın arqumenti yoxdu deyə, düşünüb ki, 70 yaşı var, hər kəs ona inanacaq. Bu səbəbdən belə deyib". (qafqazinfo.az)


8 May 2023
Şou-biznes

Mustafa Sandal Bakıya gəlir

Türkiyənin məşhur müğənnisi və bəstəkarı Mustafa Sandal Bakıda konsert proqramı ilə çıxış edəcək. 

23 May 2022
Şou-biznes

Conni Depp vəkili ilə eşq yaşayır?

Bədən dili üzrə ekspert Cudi Ceyms Conni Depp və vəkili Kamilla Vaskes arasında romantik münasibət olması haqda şayiələrə münasibət bildirib.

23 May 2022
Şou-biznes

Reper Dreyk Formula 1 mərcində 230 min dollar uduzdu

Məşhur kanadalı reper Dreyk İspaniya Qran Prisi başlamazdan əvvəl sosial şəbəkələrdə Formula 1 mərhələsinin nəticəsi ilə bağlı mərc etdiyi skrinşotu paylaşıb.