İŞİD-in təbliğat və edam videolarını səsləndirən şəxs tutuldu.
Realpress.az xarici KİV-ə istinadən xəbər verir ki, 35 yaşlı Afrika əsilli Kanada vətəndaşı Məhəmməd Xəlif adlı şəxsi “Suriya demokratik qüvvələri”nin döyüşçüləri ələ keçirib.
Məhəmməd Xəlif İŞİD-in bütün dünyaya yayılan ingilisdilli video və audioyazısını, o cümlədən, əsirlərin edam edilməsi görüntülərini səsləndirib.
Səsyazmalarda Xəlifin səsinin yer aldığını artıq üç müstəqil ekspert və ABŞ rəsmisi təsdiqləyib. Mütəxəssizlər Xəlifin səsinin terrorçuların öz təbliğatları üçün istifadə etdikləri səslər arasında dünyada ən çox tanınan ingilisdilli səs olduğunu bildiriblər.
Xəlif "The New York Times" verdiyi açıqlamasında, əməllərindən peşman olmadığını bildirib.
Onun sözlərinə görə, səsyazmalar peşəkar avadanlıqlarla həyata keçirilib və prosesi belə izah edib: "Səs sadəcə səs idim. Senarini xatırladaq mətni mənə verirdilər, redaktə edirdim,sonra isə səsyazma edirdik. Supervayzer mətnin hansı hissəsini xüsusi vurğulamaq lazım olduğunu mənə deyirdi".
Məhəmməd Xəlif hazırda Suriyada həbsdədir.
Qazaxıstan və Qırğızıstan prezidentləri Kasım-Jomart Tokayev və Sadır Japarov Astanada “Müttəfiqlik əlaqələrinin dərinləşdirilməsi və genişləndirilməsi haqqında” Saziş imzalayıblar.
Türkiyə Xarici İşlər Nazirliyi İsraillə İranı daha böyük münaqişəyə səbəb ola biləcək addımlardan çəkinməyə çağırıb.
Pakistanın paytaxtı Kəraçidə baş verən partlayış nəticəsində azı üç nəfər xəsarət alıb.