Rusiya prezidentinin türk dilində səlis danışa bilən mətbuat katibi Vladimir Peskov əvvəllər Türkiyə qəzetində jurnalist kimi fəaliyyət göstərməyi nəzərdən keçirib.
“RİA Novosti”nin məlumatına görə, bu barədə o, “Hürriyet” qəzetinə verdiyi müsahibədə danışıb.
D.Peskovun sözlərinə görə, söhbət “Milliyet” qəzetinin Moskva ofisindən gedir.
“Orada mənim dostum Cenk Başlamış işləyirdi. Özüm də xəbərlərlə maraqlanırdım”, - deyə Peskov izah edib.
Bu arada, rusiyalı liderin mətbuat katibi heç vaxt jurnalistika üzrə təhsil almadığını etiraf edib.
“Jurnalistika mənim üçün terra inkoqnita (lat. “naməlum məkan” - red.) olaraq qalır”, - deyə Peskov əlavə edib.
D.Peskov türk dili üzrə praktiki bacarıqlarını itirməmək üçün mütəmadi olaraq Türkiyə qəzetlərini oxuduğunu, “Hürriyet”, “Sabah” və “Cumhuriyet”e üstünlük verdiyini bildirib.
İspaniyada səfərdə olan "Sumqayıt" klubunun baş məşqçisi Samir Abasovun "Barselona"nın "sükanı arxasında" olan Xavi Ernandeslə görüşü nəzərdə tutulub.
“COP29 və Azərbaycan üçün Yaşıl Baxış” beynəlxalq forumunun iştirakçılarının Qarabağ regionuna səfəri başlayıb.