Milli Məclisin (MM) gələn həftə keçiriləcək iclasının gündəliyi məlum olub.
realpress.az-ın MM-dən əldə etdiyi məlumata görə, aprelin 23-də keçiriləcək iclasın gündəliyinə ilkin olaraq 17 məsələ daxil edilib.
Gündəlikdə İctimai Televiziya və Radio Yayımları Şirkəti Yayım Şurasının üzvlüyünə namizədlikləri irəli sürülmüş şəxslərin təyin edilməsi məsələsi var.
Qeyd edək ki, Yayım Şurasının boş qalmış üç yerinə beş nəfərin namizədliyi irəli sürülüb.
Bunlar idman federasiyaları tərəfindən namizədlikləri irəli sürülən Yusif Babanlı ilə Orxan Muxtarov, dini konfessiyalardan namizədliyi verilən Salman Musayev və yaradıcılıq təşkilatlarından namizədlikləri təklif edilən Zemfira Qafarova ilə Cəmilə Həsənovadır.
İclasda müzakirəsi nəzərdə tutulan məsələlər arasında Gənclər Fondunun illik hesabatı, həmçinin, bir sıra qanunlara dəyişiklikləri nəzərdə tutan qanun layihələri var.
Türkiyənin kosmosa səyahət edən ilk astronavtı Alper Gezeravcının Azərbaycana səfəri təşkil olunacaq.
Azərbaycan Prezidenti İlham Əliyev işğaldan azad edilmiş ərazilərin bərpasında göstərdiyi dəstəyə görə Qırğızıstana təşəkkür edib.
“Azərbaycanla Qırğızıstan arasında ticarət dövriyyəsinin artması tendensiyası mövcuddur”.
“Azərbaycan-Qırğızıstan İnkişaf Fondunun Nizamnamə fondu dörd dəfə - 100 milyon dollaradək artıb”.
Aprelin 24-də Azərbaycan Respublikasının Prezidenti İlham Əliyevin və Qırğız Respublikasının Prezidenti Sadır Japarovun iştirakı ilə Azərbaycan və Qırğızıstan Dövlətlərarası Şurasının 2-ci iclası keçirilib.
