Bakıda keçiriləcək Formula 1 Azərbaycan Qran-Prisi Almaniyanın kütləvi informasiya vasitələrinin diqqət mərkəzindədir.
AZƏRTAC xəbər verir ki, “Speed-magazine” idman jurnalının internet səhifəsində dərc edilən məqalədə Formula 1 Azərbaycan Qran-Prisinin digərlərindən çox fərqləndiyi, Bakı Şəhər Halqasının Formula 1 təqvimində ən uzun və ən sürətli marşruta malik olduğu bildirilir. Altı min metrdən çox uzunluğa malik halqada çətin döngələrin və maksimal sürəti toplamaq üçün düz yolun olduğu vurğulanır.
“Motorsport” idman jurnalının internet səhifəsində dərc edilən məqalədə Formula 1 Azərbaycan Qran-Prisinin çox həyəcanverici olduğu qeyd edilir. Bakı Şəhər Halqasının döngələri ilə yadda qaldığı bildirilir. Məqalədə “Red Bull” komandasının pilotlarının Bakı Şəhər Halqasına dair fikirlərini əks etdirən videoçarx yerləşdirilib.
“Augsburger Allgemeine” qəzetinin saytında dərc edilən məqalədə də Bakı Şəhər Halqası haqqında məlumat verilir.
Eyni məzmunlu məqalələr Almaniyanın “Berliner Morgenpost”, “Speedweek”, “Badische Neueste Nachrichten”, “Motorsport Magazin”, “Motorsport Total”, “Rheinpfalz” və digər qəzet və jurnallarında da dərc olunub.
Realpress.az
Kəlbəcərdə infrastruktur işləri görülür.
Qadınlar arasında idman gimnastikası üzrə Azərbaycan milli komandasının üzvü Nazənin Teymurova Dohada keçirilən Dünya Kubokunda tir üzərində hərəkətlər proqramında finala yüksəlib.
Azərbaycanın ekologiya və təbii sərvətlər naziri, COP29-un prezidenti Muxtar Babayev Vaşinqton şəhərində Beynəlxalq Valyuta Fondu (IMF) və Dünya Bankı Qrupunun keçirdiyi yaz toplantısı çərçivəsində İqlim Fəaliyyəti üzrə Maliyyə Nazirləri Koalisiyasının 11-ci iclası çərçivəsində ABŞ-nin keçmiş dövlət katibi Con Kerri ilə görüşüb.
